遇上女同志
早幾日有單新聞，有個嫖客因為唔滿意囡囡嘅服務，事後拒絕畀錢，兩人先口角繼而動武，之後有警員到場調停，結果揭發個嫖客原來係女人。睇完之後，我感同身受，因為我亦曾經遇過一位女同志。
半年前喺交友網認識一位自稱「吾愛女人」嘅網友，吹兩嘴之後，佢主動約我出嚟見面。當日見到佢一身潮人打扮，皮膚青靚白淨，都算幾靚仔，心諗呢次執到支好籌。佢提議先去茶記醫肚，仲笑淫淫咁話：「食飽至有力砌o架嘛！」我梗係冇問題啦，最緊要有錢收啫。食飽飽之後，我哋上咗時鐘酒店，佢好鬼心急，涼都唔沖，就即刻開波，佢手勢好溫柔，唔似其他男人咁粗魯，點知當佢剝咗條褲之後，真係嚇咗一跳，原來係女兒身，唔係呀化！我唔好呢味嘢o架喎！於是我同佢Say Sorry後即刻着番衫走人。唉！搞咁多嘢，原來得個桔，下次真係咪搞我呀！