牛頭角里安納度
正當Ivana努力Finish面前嘅Belon 000000生蠔，我遠遠就見到一件人間美食，我立即用我天生內置嘅「人慾掃描器」喺佢身上狂掃，得出嘅資料係約莫5呎10吋高，胸圍40吋，腰圍32吋，臀部33吋，真係好標準呀！再掃埋個樣先：牛頭角里安納度，弊！個樣要扣番少少分，因為有啲平價味，我都唔想，但係冇辦法！
經我一輪掃描之後，呢位牛頭角里安納度剛好坐喺Ivana隔籬，佢立即鬼咁熱情同人打招呼，之後再介紹我哋認識。我哋好快就已經混熟晒，隨後陸陸續續有唔同國籍嘅猛男到場，唔知仲以為Ivana開婚姻介紹所，咁多唔同品種嘅男人都畀佢識到，真係不得不佩服。可惜質素一個不如一個，原來最好嘅已經係牛頭角里安納度。喺呢個時候，我望一望四周，再望一望佢，惟有狠心下決定。做人唔使時時刻刻都咁高要求嘅，話唔定執到又平又筍嘅貨色呢！
於是我開始使出渾身解數，又同Ivana打晒眼色，佢份人好鬼有義氣，一定唔會同姊妹爭仔，反正成枱都係食物，佢又唔係揀飲擇食之人，梗係幫我手一齊推波助瀾啦！結果唔使一粒鐘，我同里安納度已經打得火熱，佢對波同我對波，早已經難分你我，緊貼在一起，佢對眼甚至已經冒出火光，對手更加係長時間放喺我大腿內側，好有挑逗性。不過佢每次想向上推進，都畀我向下壓番轉頭，經過一輪推手之後，其實大家嘅慾火已經一觸即發，咁嘅環境，自然係時候另覓地方，令戰火再升一級……(待續)
Lady Barbara
某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。