世界波：風流占士邦 淫慾精華遊

荷里活嘅占士邦電影，拍足幾十年依然長拍長有，片中特務主角風流倜儻嘅形象，簡直深入每個男人心。恨不得自己可以好似占士邦一樣，周旋於眾多美艷邦女郎之中。最近美國有間專門提供美女伴遊嘅旅行社，就搞咗個四級占士邦豪華遊，畀恨做占士邦嘅男士一嘗心願。

客人只需付出每日2千美元嘅代價，就可以過足占士邦癮，旅行社會安排客人入住賭城嘅豪華酒店，仲會安排多名邦女郎負責接送及招待，過程猶如占士邦出差一樣。分別嘅就係驚險場面全部刪減，香艷過程卻有過之而無不及，包保客人過足癮！

陪玩陪瞓

驟眼睇落，呢個旅程好似好貴，成萬幾蚊港幣一晚！其實諗真啲，賭城嘅五星級酒店，最平都要3、4千蚊一晚，再加上幾位身材出眾嘅邦女郎，成晚陪伴左右，陪你賭、陪你食、陪你玩仲陪你瞓，其實一啲都唔算貴！正所謂一分錢一分貨，既然扮得占士邦，就梗係要有咁型得咁型，唔可以畀人有寒酸感覺！

學足神髓

客人更可以事先向旅行社提出想扮演邊位男影星所飾演嘅占士邦，以安排相應打扮嘅邦女郎。而每位邦女郎於出發前，都會狂睇占士邦電影，學足戲中邦女郎嘅造型同埋姿態，務求令客人玩得更過癮。淨係呢種專業精神，已經值得客人畀多少少，所以有好多扮得神似嘅囡囡，都會得到客人嘅額外打賞。

睇得砌得

旅行社負責人話呢啲邦女郎都係經過精挑細選，各有不同國籍及氣質，旅行社會按照客人要求，找出最配合佢角色嘅囡囡。除咗外形像真度高之外，邦女郎嘅內涵亦都好重要，事關電影裏嘅邦女郎，有唔少都睇得又打得，就連勾引男人都有一手。而呢啲四級邦女郎，勾引男人嘅手段自然同佢哋不相伯仲，床上功夫更加係有過之而無不及，絕對可以令客人覺得相當滿足。