中女鳳有市場

因為工作需要，最近見多了鳳姐，我們做的多是陀地，又或是已經來港一段時間的新移民，她們多數是打單泡，而不是那些集團式經營，不時可以找到年輕囡囡輪換的那些鳳姐場。老實說，這些女通常都摽梅已過，我見過有幾位甚至年逾40歲，身形早就走樣了，當局外人如我都懷疑：「佢哋係咪真係有生意o架？」的時候，事實擺在眼前，她們照樣營業。

早前在旺角就給我遇到一位中女鳳，叫Anna，重慶人，來香港7年了，之前是做骨場的，一年前開始了個體戶的生涯，這一年來，感覺、生意還算不錯。她說：「託賴，起碼冇遇過啲咩暴力、搶劫之類嘅事件，生意亦唔可以話好好，但夠交租、夠食，都冇咩求囉！」

據我過去所見，骨女轉做鳳姐，都離不開小姐房的管理問題，骨女間的派系不和，又或是管理層的壓榨等。至於Anna由骨場轉做鳳樓的原因，卻有所不同，她說一，由於經濟問題，骨場近來不斷劈價，她做囡囡除了唔做，就完全冇話事權，她感覺上太沒安全感。二，做骨場太困身了，所以她才有這個決定，一年下來，憑着不錯的按摩功夫，生意是不過不失的。