世界波：睇肉寶寶Super Hot

美國人對體育運動好狂熱，但同時間佢哋對「睇肉」寶寶都一樣咁瘋狂。美國一本知名男性雜誌，最近做咗個千人調查訪問，叫佢哋選出自己心目中最愛嘅運動寶寶，結果有好些熱門運動都落空，令人大感意外！

調查當中有4成人選擇「拳擊寶寶」為頭號性感尤物，第二位則係「美式足球寶寶」，第三位則係「摔角寶寶」，不過勁冷門嘅「滑雪寶寶」竟然可以排名第四，真係幾令人意外。而早幾年好流行嘅「籃球寶寶」、「棒球寶寶」及「網球寶寶」等，亦都一一落空，睇嚟美國人近年都轉咗口味，唔再玩咁多「肉」球！

拳擊寶寶 好砌得

拳擊運動喺美國歷史悠久，好多美國男人於公餘時間，會透過打Boxing操Fit自己，所以佢哋選擇「拳擊寶寶」作為頭號性感尤物，絕對好正路。而大部分被訪者更話選「拳擊寶寶」嘅最大原因，係覺得女人戴上拳套後，令人好有幻想，好想同「拳擊寶寶」喺床上對戰，兩個人拳來拳往下，一定可以擦出火花，砌個不亦樂乎。

足球寶寶 最襟撞

至於美式足球就更加唔使講，全世界最鍾意玩「美式足球」嘅就係美國人，呢項運動可算係美國嘅國技，地位相等於日本嘅相撲。不過美式足球一直都係男性嘅玩意，每年嘅「超級碗」大賽，都只有男子賽事。所以對於好多球迷嚟講，女人打美式足球，係一件好新鮮嘅事，而且大部分「足球寶寶」嘅保護甲內都係真空，肉球半露，男人睇到流晒口水，再加上佢哋咁撞得，上到床男人想點撞就點撞啦！

摔角寶寶 勁癡纏

美式摔角喺60、70年代勁Hit，就連香港都好流行，電視台亦成日轉播。但因為打起上嚟做戲咁做，最終慢慢畀香港人嫌棄。不過喺美國各地，仲有好多死硬派Fans，所以「摔角寶寶」仍然有一大批男人支持。佢哋仲話「摔角寶寶」最強嘅撒手鐧就係「癡纏」，上到床一定可以將男人纏到實一實，好鬼Sweet喎！

滑雪寶寶 熱力夠

滑雪對於美國人嚟講，都唔係咩陌生運動，事關每年冬天，美國中西部科羅拉多嘅滑雪勝地艾斯本，都吸引唔少人去滑雪兼度假，就連第一夫人舊年都去咗呢處度假，所以美國男人對「滑雪寶寶」嘅興趣愈嚟愈濃。

再加上一諗到冰天雪地，係人都想有個充滿熱力嘅床上伴侶嚟取暖，難怪佢哋對「滑雪寶寶」充滿性幻想。因為好多「滑雪寶寶」都會着三點式，甚至真空滑雪，搞到好多男人想立即衝上前抱抱，畀啲溫暖佢哋！