初夜被彈鐘

今時今日，做援交或玩援交妹，情況就好似食快餐咁Causal！點解咁講，因為援交妹18區都有，梗有一個喺左近，有啲仲24小時全天候提供服務，一Call即到。至於我，從事援交大大話話已經有4年，算係資深援交妹，大有資格分享賣身日記，不過第一次接客竟然做唔成生意，連初夜豬仔都唔吼，真係講都冇人信，好鬼（火羅）！

話說當晚約好個客6點半喺銅鑼灣一間Cafe見面，前輩教我要遲啲出現，高竇啲扮上菜，點知我去到一坐低，客人即破口大罵：「小姐，約你幾點呀？電話又唔聽，SMS又唔覆，家陣邊個係老細？我Call咗第二條女，你食自己啦！」眼前係一個年約30歲嘅西裝友，相信佢係啱啱收工，我連Hello都未Say，就畀佢噴到一面屁，真係好無癮，忍唔住駁嘴：「你約咗我先o架喎！」點知西裝友即時扯火：「你真人同睇辦張相差咁遠，妝又未化好，三千蚊啅你？不如過隔籬撳鐘仔好過啦！」第一次就畀客人彈鐘，咁大個女都未試過咁冇Face！於是我立即轉身就走，喊住咁返屋企。經過一晚反思，決定以後唔會再被人彈鐘，誓要做個最強嘅援交妹！