世界波：向四仔影后舉旗致敬

今屆新鮮出爐嘅奧斯卡最佳電影《星光夢裏人》，以懷舊黑白片手法向荷里活默片時代致敬，成為大贏家，令電影界興起一股懷舊風，就連成人界都被感染，片商紛紛游說一啲90年代嘅當紅女主角再戰江湖，拍攝懷舊味十足嘅Retro風成人影碟！

今日就同大家一齊回顧吓幾位不同年代嘅四仔奧斯卡（AVN Awards）影后級人馬，例如80年代嘅AVN影后Ginger Lynn，竟然酷似前愛情喜劇天后Meg Ryan，而千禧年間走紅嘅Jenna Jameson，更拍四仔拍到擁有過億身家，真係唔到你唔佩服。

新鮮出爐：Jessie Andrews 2012

Jessie Andrews今年只得20歲，出道一年就已經憑《Portrait of a Call Girl》勇奪AVN最佳女主角。雖然單憑外表，可能好多人都唔明佢點解可以稱后，皆因佢冇波又冇腰，樣貌又普通。

不過AVN選舉一向好注重女星嘅演技同床技，就算係大美人，但床戲表演到成舊木咁，都唔會獲得評審垂青。而Jessie最大嘅賣點，就係佢嘅狂放演出，再加上佢喺片中演繹出應召女郎嘅淒涼無助，惟有喺床上盡情發洩內心嘅慾望，希望藉此搵到一點點溫暖，呢種演技同床戲，令整部四仔嘅格調完全提升，獲獎絕不出奇。

得獎影碟：《Portrait of a Call Girl》

Profile

三圍：32A-24-33

身高：5呎5吋

年齡：20歲

色情天后：Jenna Jameson 2005

Jenna Jameson喺四仔界一向有「色情天后」嘅稱號，係世界上最有名嘅成人娛樂表演者之一。佢未入四仔界之前，係一個脫衣舞孃，佢喺1993年開始投身四仔界，入行3年已經贏得3大成人電影組織嘅新人獎。2000年開始成立娛樂公司ClubJenna，最初只係一個單一網站，至01年開始生產色情影片，銷路經常係同行之冠。到05年，ClubJenna嘅盈利已經累積至3,000萬美元，同年佢更憑《The Masseuse》勇奪AVN影后，攀上事業頂峰。

得獎影碟：《The Masseuse》

Profile

三圍：34D-25-36

身高：5呎6吋

年齡：38歲

出色人妻：Dyanna Lauren 1998

Dyanna出生於洛杉磯，今年已經47歲，但仍然活躍於美國色情業，令人嘖嘖稱奇。1998年佢憑《Bad Wives》勇奪AVN影后，佢嘅強項就係扮演人妻，一向走熟女路線嘅佢，年齡並冇成為佢嘅障礙，影迷反而覺得「老婆」愈老愈可愛。不過自2000年之後，佢已經轉型向色情指導及導演界發展，不過偶爾仍然會粉墨登「床」，滿足一批死硬Fans。2007年，Dyanna成為Ninn Worx嘅代言人，呢間電影製作公司係佢前夫約翰˙格雷所擁有，經常拍攝一啲實錄式生活四仔，而Dyanna則以閉路電視鏡頭，拍攝自己嘅家居色慾動向同Fans分享。

得獎影碟：《Bad Wives》

Profile

三圍：36E-26-36

身高：5呎6吋

年齡：47歲

傳奇女王：Ginger Lynn 1986+2002

Ginger出生於1962年，今年已經50歲嘅佢，係80年代美國成人電影業嘅代表人物，佢更被美國成人業列為最偉大50艷星之一。除咗拍四仔之外，佢偶爾都會喺荷里活嘅B級片現身。1986年，Ginger憑《Project Ginger》勇奪影后，登上事業高峰之後，佢毅然決定停拍四仔，轉投主流電影工業，可惜成績未如理想。最終於1999年重返成人業，立即受到影迷追捧，02年更憑《Taken》一片，以40歲高齡再次奪得AVN影后殊榮，至今仍然為人津津樂道。

得獎影碟：《Project Ginger》

得獎影碟：《Taken》

Profile

三圍：34B-24-34

身高：5呎6吋

年齡：50歲