世界波：女人玩突擊招招誘性

現代女性，再不需要在性事上守株待兔，反而應該學習如何主動出擊，爭取自己最大的性福。尤其是跟伴侶的關係已經十分穩定，性生活卻愈來愈平淡之際，女人再不需要扮淑女，應掌握出擊機會，勇敢地表達自己的需要，尤其是採取突擊手段，令性愛變得更美妙。

當然，女人主動出擊，比男人更需要掌握好時機，因為女人不會經常出擊，一旦出擊就要一擊即中，為男人帶來無限驚喜，性愛自然會變得更加興奮及刺激，之後的性生活質素也會因此而有所提升。如果掌握不當的話，隨時將對方嚇跑，或者發生婉拒事件，就令雙方都大感冇癮，大大影響對性愛嘅興趣。

電梯索吻

電梯停電時，係擦出愛火花嘅最佳時機，除非對方有「幽閉恐懼症」，否則一對情侶被困在狹窄空間內，好快就會引發起體內嘅激素，再加上微熱嘅體溫，眼神嘅交流，喺呢個時候，女人只要輕輕獻上一吻，就會令男人意亂情迷，性慾爆發。當然，電梯內有閉路電視，絕對不適宜就地正法，所以電梯內嘅出擊，只係性愛嘅前奏，令男人更加血脈賁張。

衝上Office

男人突擊式接女人放工，可以令女人大受感動，相反男人於工作時，卻未必想畀女人打擾，但如果環境許可，即他擁有個人辦公室或公司只剩下他一人時，女人偶然出擊也並無不妥。最緊要係唔好畀佢有任何心理準備，衝上辦公室畀佢鼓勵之餘，亦可以作出一點點性暗示，必定令男人受寵若驚，更會激發起體內嘅獸性，決定提早收工，立即回家作戰。

書房突襲

紅袖添香夜讀書，不止是古人的專利，更是現代女性的撒手鐧。所以，當半夜發現對方仍然喺書房埋頭工作時，不妨端上一杯醒神咖啡，隨後附上一個香吻，以及一身若隱若現嘅睡袍，配合少少按摩，向佢發出性訊號。只要手頭上工作已經接近完成，佢一定會立即擁你入懷，享受呢一刻嘅溫香軟「肉」，對男人嚟講，呢招絕對係最好嘅減壓良方。

半裸打掃

好多男人覺得女人做家務嘅時候，如果只穿着內衣褲或者有意無意間春光乍洩，都係極度挑逗嘅行為，會令佢哋按捺不住，立即將女人從家務中劫走。所以女人想主動出擊，不妨借打掃為名，挑逗為實，將男人引到舉「旗」不定，自然可以引爆一場美妙嘅性愛。