進取新人張藝芯
嚟自四川成都嘅張藝芯，喺成都理工大學影視廣播學院主修表演藝術，所以唱歌跳舞同演戲，都難佢唔到。不過，畢業之後，藝芯走咗去做其他行業嘅工作，而且一做就做咗三年，及後佢嫌工作太過刻板，唔適合自己，便決定辭職，投身演藝界發展。
講真，藝芯樣子甜美，身材出眾，加上歌精舞勁，唔做藝人就真係嘥晒。雖然佢比同期啲同學仔遲咗入行，但係以藝芯嘅潛質，要急起直追，相信一啲問題都冇，而且經過幾年其他行業嘅浸淫，令藝芯擁有豐富閱歷，變咗可塑性極高嘅新人。今年藝芯更打算全力出擊，決定兵分兩路，喺廣州同北京都接工作，希望增加知名度嘅同時，更可以吸收南北兩地嘅演出經驗，幫助將來發展。估唔到藝芯除咗樣靚身材好之外，仲好有頭腦，識得為前途鋪路。
張藝芯Profile
出生地：四川成都
三 圍：33-23-34
身 高：166cm
興 趣：看電影、聽歌