滾上癮之蜜汁烤鴨
小梅老公本來揸的士，每個月都有萬幾蚊收入，兩個人住公屋，又冇仔女，都算夠食夠住！但係佢老公最近轉行做中港貨車司機，表面上話想搵多啲，但實際上就係想上大陸滾。
阿梅同佢老公結婚十幾年，點會唔知佢諗咩吖！不過自己冇謀生能力，就算明知佢去滾都要忍，最緊要佢個個月畀足家用。佢老公有時一去就十日八日，小梅初時覺得，唔使服侍佢都幾好，點知耐咗就開始覺得性苦悶，晚晚冇人慰藉。再加上佢正值狼虎之年，更加慾火攻心，於是就把心一橫，決定以牙還牙，一於出去食鴨！
正中下懷
咁啱住喺隔籬個羅太，佢老公又係成日唔黐家，佢悶到發慌之下，咩都夠膽死，仲叫埋阿梅一齊去癲。兩個女人先入馬場，胡亂下注之後，竟然中咗幾條冷Q，贏咗幾萬蚊，一時間有咁多閒錢，梗係身痕啦！於是兩個主婦決定學人去玩邪骨。
羅太︰「男人玩得，點解女人唔玩得？」呢點正中阿梅下懷，當然二話不說起行出發。羅太見佢咁興奮，竟然爆響口，話自己已經去過幾次︰「嗰度啲鴨仔好正，靚仔得嚟又夠大隻，按摩又舒服，包你一定食飽飽。」
心花怒放
食完飯，羅太真係帶阿梅出發，沖完涼後，兩個主婦身上只圍住一條浴巾，就瞓上床等服務！阿梅內心又驚又喜，慾火禁不住升溫。冇幾耐就有個叫阿生嘅男人入房，佢生得高大威猛，表現溫文有禮，手勢仲好好，按到阿梅心花怒放。阿生雙手慢慢從背脊一路按落臀部，阿梅立即打個冷震，第一次同老公以外嘅男人有肌膚接觸，仲要身上一絲不掛，佢立即就有反應，蜜汁一下子如泉湧！（待續）