世界波：熟女慾火盛用策略制「性」

無論係歐美定係日本AV界，近年都好鍾意拍攝熟女系列。老實講，呢班熟女除咗極具女人味，身材亦夠晒豐滿肉感，視覺吸引力絕對不比後生女輸蝕。另一方面，佢哋仲有一個地方比後生女優勝，就係對性嘅渴求，而呢一點亦正係好多現實熟女嘅寫照。

相信近年大家都聽唔少有關香港女多男少嘅報道，事實上唔單止係香港，世界上好多地方都面對呢個問題。由於女比男多，所以我哋班男人愈來愈搶手，而好多女仔就算去到適婚年齡都搵唔到男朋友，點算呢？最多咪唔結婚，專注工作囉。之不過，所謂食色性也，努力工作雖然搵到飯食，但係冇男友就令性需要久久未能得到解決，若然係已屆35至45歲嘅熟女，慾火就更加旺盛。

最旺10年

根據日本松村診所嘅一個研究指出，35至45歲呢10年時間係女性性慾最高峰嘅時候，因為呢個年紀體內嘅雌性激素會漸漸下降，相反雄性激素則會漸漸上升，因而令佢哋性慾旺盛，所以此年齡被我哋中國人稱為狼虎之年，絕對有根據。

大家可能會問：「我溝親都係十八廿二嘅後生女，佢哋唔係我Target喎。」錯矣，家陣啲女性駐顏有術，好多「美魔女」睇落都唔似超過30歲。而且熟女亦別有一番滋味，只要你識得欣賞，一定回味無窮，樂在其中。之但係面對如此狼虎中女，可能唔係你歎佢，而係佢歎你，到底點樣滿足佢好呢？不妨參考以下三點。

天時：擇好時辰

松村診所嘅院長表示，中女嘅性慾特別受到體內一種叫做褪黑色素嘅賀爾蒙影響。呢種褪黑色素嘅分泌會因為光線而受到抑制，通常會於傍晚時分分泌得最多，到夜晚則減低，而褪黑色素水平愈高，熟女嘅性慾就愈旺盛。

根據呢個資料，大家如果想溝到中女，不妨約佢哋去Happy Hour，喺酒精催化加上褪黑色素嘅影響下，該晚有着落嘅機會自然大大增加。至於有感老婆正值狼虎之年，唔想畀佢榨乾的話，呢段時間就最好咪返屋企住。順帶一提，一間充滿微弱光線嘅房間，都會刺激褪黑色素產生，陷於疲態嘅老公們要注意喇。

地利：大床No Way

我哋除咗花費人生三分之一時間於床上，亦花咗好多時間「上床」。一張又大又舒適嘅大床，除咗可以令人得到放鬆，交歡嘅時候亦可以得到更佳享受，而且仲可以慳番唔少體力，正因如此，受性慾旺盛催動而精力澎湃嘅中女，最有利嘅性戰場地正係大床！為咗消耗其精力，大家可以將戰場轉移至廚房、廁所，或者係一張穩陣嘅梳化，再叫佢哋擒高擒低做主動，令你收以逸待勞之效。

人和：冷水陪浴

如果被中女女伴捉住，一定要你今晚餵飽佢為止，大家不妨先嚟個鴛鴦浴，不過唔係用熱水，而係用冷水，作用除咗可以令大家稍微冷靜落嚟，亦可以減低中女嘅慾火。皆因佢哋呢個年紀好容易會出現潮熱而唔舒服，驅使佢哋以快感減低不適，而冷水浴過後，會令佢哋即時降溫，個人舒服咗，動作自然冇咁急進，而你自己都有少少時間從激烈嘅糾纏中抖抖氣。另外，男人沖完凍水涼之後，皮膚表面嘅血管收縮，會令小弟弟充血更佳，自然硬度十足，你同對手仲唔有排歎？