世界波：解構春夢 透視性需要
相信有唔少男人都試過發春夢，根據美國嘅解夢專家分析，唔同形式嘅春夢，都係對現實生活嘅一種反映：
甚至有可能係內心一直渴求，但得唔到嘅性需要，惟有喺夢中先可以一償心願。
以下四種春夢，係專家從眾多春夢中發現到最普遍嘅四種，即是話大部分人都曾經發過！專家更話每個人都要了解自己內心嘅需要，先可以搵到幸福嘅性生活，而透過種種春夢，就係最簡單又直接嘅方法，大家一於齊齊去解夢啦！
夢境1：甜蜜初戀
有人常常夢到學生時期嘅初戀女友，而且喺夢裏經常同對方做愛，每次性愛後都覺得十分滿足，甚至得到美妙嘅高潮。
專家分析：
過去嘅愛人只不過係一種象徵，象徵住你從前同佢一齊時嘅自由輕鬆，反映出你現在嘅境況可能備受生活上各種壓力所困擾。同時亦代表你喺感情上不甘於現在嘅平淡，好渴望新鮮刺激嘅性愛，等你重拾年輕時代嘅衝勁同活力。
夢境2：明星約會
唔少男人都試過喺夢中同明星約會，甚至嚟一場激烈性愛。有人更會喺夢中充分滿足自己嘅大男人慾望，要對方喺床上出力獻媚，自己卻懶懶閒顧住歎。
專家分析：
好多年輕男士都曾經發過類似嘅夢，夢見自己同偶像做愛。呢種情況，一般都係反映你喺現實生活中，覺得自己好平凡、對現實生活感到厭倦，希望有更多驚喜出現。尤其是性生活上，更加乏善可陳，恨不得快啲擺脫身處嘅性狀況！
夢境3：討厭的人
喺夢中發現自己壓喺一個平時最討厭嘅人身上，更迫令佢做出各式各樣嘅性愛體位，甚至喺夢中忘記咗自己有幾討厭對方，只係想盡快喺佢身上爆發。
專家分析：
專家認為呢啲人嘅潛意識內，有可能好羨慕呢個令你討厭嘅人，因為對方敢做嘅事，你可能一世都唔敢做，但你又唔肯面對自己嘅懦弱，只能以討厭去掩飾自己嘅感受。但夢中嘅你，卻掩飾唔到，甚至希望藉着性愛去修補你哋之間嘅關係。雖然聽落好複雜，但係好多男人都發過呢種春夢。
夢境4：陌生女人
鍾意發春夢嘅男人，真係多如恒河沙數，而試過同陌生女子發生肉體關係嘅，更加係多不勝數，甚至喺夢境中被對方丈夫撞破，仍然不顧一切地衝刺，感覺刺激又好玩，令人回味無窮。
專家分析：
唔少專家都表示夢見同陌生人做愛，係最容易分析嘅夢，因為潛意識裏面只有一個好簡單又直接嘅渴求，就係夢主非常需要一段激情，或者性愛調味劑。對象係陌生人反映出你唔想發展一段關係，只想尋求刺激而已。所以呢種夢經常發生喺結婚多年嘅男人身上，佢哋又想曳曳，又怕惹麻煩，惟有喺夢中發洩！