紅頭包膠：囡囡波樓抽水
老一輩爸打應該會有經驗，北上帶囡囡出街玩，囡囡會主動帶客人去波樓篤波，原來囡囡可以從中抽佣，不過後來囡囡嫌冇肉食，就冇咁落力。但近期有師兄表示，早前佢同幾個朋友去常平夜場玩，期間囡囡提議出街去波樓篤波，師兄表示冇所謂，於是一人Mark一個囡囡去波樓。
入場後囡囡話撞到朋友，於是提議一齊打，結果師兄與朋友輸到入肉：「5蚊一度，打一Set三局唔使一粒鐘，就已經輸咗成千銀，認真肉赤。」
原來呢班波友係高手，佢哋夾埋囡囡帶客人上波樓切磋，從中搵食。而囡囡充當介紹人，如果一日昆到三轉客人上去打波，已經分到幾百至一千蚊，真係簡單又好搵，唔使上房砌都已經好和味。只係落嘴頭好過身水身汗，但自問技術水皮嘅師兄就咪制喇！