保持競爭力

最近到澳門採訪，發現好幾間場都在搞裝修，包括夜總會和桑拿，而且都是些生意很不俗的大場、紅場。一裝修，生意就多少受到影響，有部分囡囡，甚至會在這段時間暫時跳槽到其他場上班，因為她們的觀念中，裝修就是沙塵滾滾，這多多少少會影響人客的消費意欲啊，囡囡出來就是為了搵錢，跟深圳、東莞場不同，濠江的囡囡對場所更沒有忠誠，哪裏搵到錢，自己的條件又配得上的話，自然會往哪家場跑。那夜場老闆們不是瘋了嗎？為甚麼要貼錢去敗生意？你看，深圳場、東莞場哪曾會出現這種明明在賺錢卻搞裝修的情況？

「講真，你幾時見到啲搵唔到錢嘅場搞東搞西搵自己麻煩先？肯再投資，都係賺到錢嗰班，你知唔知，過咗農曆年之後又有新場開，唔趁住呢段時間，女少啲，客又會少啲嚟搞裝修，唔通大旺季先嚟做咩？」一位業內人跟我說。不進則退，澳門搞夜場的人很多都視旗下生意為長期事業，自然願意再投資：「依家咁多人嚟澳門，大家都睇好今年，唔揼錢裝修保持競爭力，你話係邊個蠢先？」