深圳Pose王　彭夢

喺深圳模特兒界有位人氣模特兒，佢嘅名字叫做彭夢，13歲已經入行，出生於湖北武漢嘅佢，為咗發展事業，隻身南下到深圳，眨眼已經入行將近10年，一舉手一投足都充滿星級風範，更被網友封為Pose王。

初出道時嘅彭夢，主力拍攝少女時裝硬照，形象清純，但人氣唔高，之後佢報名參加多個大型模特兒比賽，希望從中吸取更多經驗，提升實力。

經過不斷磨練後，彭夢喺一個模特兒大賽中奪得冠軍，之後喺2009北京車展中，獲得車模比賽嘅亞軍，人氣開始飆升，喺全國大大小小嘅車展都見到佢嘅蹤影，成為十大人氣車模之一，佢出席嘅場合都會有粉絲蜂擁而至。

滿足龍友

身高175cm嘅彭夢，身材勻稱，只要騷吓事業線或長腿，便能夠俘虜一眾宅男，加上佢喺台上時表情多多，又搔首弄姿擺甫士，令每個圍住佢拍攝嘅龍友，都可以拍到不一樣嘅照片，因而又被封為Pose王。

至於彭夢嘅感情生活，據講佢家陣仲未有男朋友，有記者問佢有乜擇偶條件？佢話唔介意男友矮過自己，當然太矮就接受唔到，但太高嘅男仔，佢同樣唔喜歡，所以要求對方同自己咁上下高度就最好。

此外，彭夢上圍雖然只有33C，但谷起上嚟都幾有激凸效果！佢過往拍攝過唔少性感照片，都噴血度極高，希望佢千祈咪停，繼續拍多啲性感寫真，等大家都可以大飽眼福。

彭夢Profile

出生地：湖北武漢

三圍：33-23-35

身高：175cm

興趣：旅行