世界波：密食唔算愛 最重要夠冧

大部分女人天生都鍾意比較，比姿色、比時尚、比身材，最重要係比老公，除了比較伴侶的收入及地位之外，有時姊妹之間更會比較性生活。男人往往以多寡來衡量彼此感情，但女人卻是重質不重量，頻密並不代表一切，所以男人想喺床上討女人歡心，次數絕對不是重點。

雖然次數唔係重點，但有時候女人發覺自己嘅做愛率遠低於姊妹嘅時候，心中難免有陣失落感，更加懷疑對方是否已經唔再愛自己，甚至對自己冇性趣；所以男人喺處理性生活方面，實在有好多事情需要注意。

滿足心理需要

對於大部分女人嚟講，與伴侶之間嘅性生活頻率，不僅係生理性需求嘅反映，更重要係用嚟衡量與對方嘅親密程度，甚至代表自己嘅吸引度。所以，有時候當性生活頻率降低，好容易會令女人心理上得唔到滿足，自然會懷疑伴侶是否有第三者，或者已經唔再愛自己，又或覺得外表已經唔吸引對方等。所以男人最好盡量保持性愛嘅規律性，就算真係性慾降低，都需要跟伴侶有親密嘅身體接觸，例如擁抱、愛撫等等，避免女人疑神疑鬼。

愈合拍愈高質

美國性學專家話性生活並唔係頻密就代表好，等於食飯一樣，食到自己鍾意嘅食物，先叫做好享受；性生活都一樣，過程夠「合拍」，雙方口味一致，咁先為之上佳享受。伴侶之間嘅性口味，就好似食物取向一樣，有人嗜辣、有人愛甜，如果搵到兩個人都同樣鍾意嘅食物，自然會食得更開心，做愛亦然。專家話伴侶之間嘅性生活愈合拍，性愛質素自然愈高，所以男人應該多了解伴侶嘅口味，找出類同嘅性趣，先可以享受高質素嘅性愛。

親吻擁抱不可少

性生活係愛情生活嘅其中一個要素，但有愛情成分嘅性生活卻並非想像中咁簡單，因為佢唔同「一夜情」式嘅性愛，並唔係單純宣洩性慾，而係包含一種對伴侶高度依戀嘅表現。所以男人對女人表現親密及依戀嘅方式，除咗性愛之外，仲要加入大量嘅親吻、拖手、擁抱等，單純頻密嘅性愛，難以令女人相信你有幾愛佢。所以男人千萬唔好用性生活頻率嚟衡量愛意，女人對性愛嘅滿意度，先係衡量愛情關係嘅重要指標。