夏娃的誘惑
係人都知夏娃引誘阿當食「蛇果」，結果犯咗原罪，估唔到美國有唔少女人，都以「蛇果」做引誘訊號，佢哋一旦〔目及〕中心儀對象，就會將一個「蛇果」放喺佢面前，唔需要講咁多，個男人自然明白，仲會立即採取主動添！
咬勻全身
「蛇果」訊號對於好多女人嚟講，真係方便又好用，皆因女人天生比較怕醜，貿貿然去勾引男人，萬一對方唔受溝就真係瘀死。所以利用一個「蛇果」，就可以表達畀男人知，自己正在發姣，係男人見到都會立即心動！
男人若然對個女人有興趣，就會立即攞起「蛇果」咬一啖，然後隨即打蛇隨棍上，一人咬一啖「蛇果」，咬吓咬吓就咬到上床，話咁快就打得火熱。