世界波：潛龍識Guide晚晚High

每個男人都想擁有一個性趣十足嘅伴侶，但如果連自己都搞唔清楚快感何來，又點要求對手一擊即中？所以男人想爽死，首要就係了解自己嘅敏感點，然後再為女伴掌舵引航，讓潛龍飛上九霄，每次親熱都如魚得水，兩性間嘅關係自然愈趨和諧啦！

美國性學專家認為男人想了解自己嘅身體，必先要從自慰開始做起，其次係睇成人雜誌或影碟，以便清楚了解自己嘅口味，以及邊個部位感覺最爽，所以認識自己其實係提高性質素嘅重點。

定期自娛

自慰並唔係可恥嘅行為，有啲人對自慰作全盤否定都係片面、錯誤嘅。有人認為自慰行為會影響同破壞伴侶間嘅正常性生活，但美國嘅性學專家卻持相反意見，認為自慰不但取代唔到真正性行為，反而透過自慰，可以令男人更了解自己嘅細佬邊度最敏感、最易亢奮，對伴侶之間嘅性生活絕對有益無害。

欣賞身體

每個人嘅身體都有不同嘅優、缺點，唔好畀俗世或潮流影響自己嘅判斷力，尤其是當自己嘅身體並唔太符合現代嘅審美標準，咁就需要多啲向鏡中嘅自己多加鼓勵，正所謂天生我（身）材必有用，唔夠靚仔唔緊要，最緊要喺女人面前識得放大自己嘅優點，上到床細佬有好表現，如果男人對自己嘅身材冇自信，往往會直接影響性行為及性表現！

了解需要

大部分男人應該都睇過成人雜誌或影碟，尤其是青春期嘅少男，更加會對成人雜誌感到好奇。但其實成年後嘅男性，縱使有過好多性經驗，仍然會對呢啲成人雜誌嘅視覺刺激，感到十分有興趣。成人影碟則不同，有好多唔同種類，如制服誘惑、熟女人妻、重口味SM等等，而各人嘅性口味亦會從不同嘅選擇中反映出來，咁喺進行性愛嘅時候，不妨從中偷師，參考吓當中嘅調情伎倆、性愛體位等，話唔定會令你攀上一個又一個高峰。