世界波：招招攻心計 女人好易制

男人對於性愛的反應，總是比女人來得更快更衝動，甚至可瞬間爆發，但女人卻需要時間熱身，所以好多男人都渴望遇上一個隨時可以升溫嘅女人。但美國有性學專家分析，要令女人由怕醜妹一下子變蕩婦，一定要從日常的相處下工夫，唔可以臨急抱佛腳，上到床先渴望將佢一撻即着。

專家話女人最鍾意有誠意嘅男人，只要平時肯為佢哋多做小情小趣嘅舉動，就可以令女人愛得更投入，而女人愛得愈深就愈唔介意全情奉獻，自然會準備好同你享受性愛，所以一旦埋牙接觸時，就能夠更快燃起慾火、表現得更放，令你喜出望外。

送贈內褲

送內衣褲好多時都係情侶之間表現親密嘅一種手法，但多數都係女人送畀男人，而男人送畀女人的話，就要做多一重工夫，就係盡量唔好夜晚送，仲要唔好喺屋企送，最好喺辦公室或者食早餐嘅時候送。等佢拆開嗰陣會有一份遐想同期待，要等到放工先可以返屋企試着，呢個過程無形中幫緊女人預熱。當然，千祈唔好第一次約會就用呢招啦，當你色狼咁打就弊喇！

愛的紋身

大部分女人總喜歡男人經常叫佢哋個名，尤其係一啲好肉麻又特別嘅暱稱，只要你成日將佢掛喺嘴邊，甚至將你同佢之間嘅親暱稱呼紋在身上，女人見到就一定會樂上半天。

呢種行為，會令女人覺得你好在乎佢、好愛佢，呢種備受寵愛嘅感覺，能令慾火隨傳隨到。

驚喜禮物

依家嘅男人愈來愈冇新意，無論生日、聖誕節、情人節都淨係識得送花，仲要係千篇一律包好晒嘅行貨玫瑰花。其實女人收到呢啲行貨，興奮極有限，分分鐘會冇咗預熱嘅功效，所以想女人慾火升溫，男人心思一定不能少。尤其是小禮物最好係失驚無神咁送，唔使等大時大節嘅，咁先至有驚喜㗎嘛！

表達思念

情侶之間，女人最常問男方嘅問題，應該係：「有冇掛住我？」男方如果永遠只懂喺呢個時候答：「掛到死！」最多只係攞到70分。雖然女人聽到男人咁答，都會甜在心頭，但卻未至於會令體內慾火升溫，事關次次都要自己問。所以男人應該早女人一步，搶先表達自己對佢嘅思念，見少一秒都覺空虛，咁樣女人就會冧到痹，隨時一見面就表現狂野，令你措手不及。