世界波：視覺挑逗 男人易受氹

男人一向都好享受女人帶畀佢哋嘅視覺享受，無論身材、樣貌或者任何性感裝束，喺佢哋面前「掩掩映映」就可以挑起男人嘅慾望，如果女人懂得再加多兩錢肉緊的話，隨時可以將男人玩弄於股掌之間。

根據美國知名成人雜誌的調查發現，1,000名男讀者當中，約有3成認為女人嘅性感內衣，可以令佢哋性慾大增；另外有3成則認為女人於上床前先跳一Part火辣艷舞，足以令男人火上加油。而最令男人難以抗拒嘅，就係女人喺床上穿上吊帶絲襪，呢種誘惑，可以立即令佢哋舉旗不定！

攞命Sexy內衣

女人嘅身材，一向都係左右男人性慾漲退嘅主因，如果天生玲瓏浮凸嘅女性，當然唔使搞咁多工夫，已經可以將男人俘虜。但係平凡嘅女性咪好蝕底？又唔一定嘅，女人只需要懂得利用情趣內衣，同樣可以令男人性慾大增。尤其是半透明嘅喱士內衣，將身材若隱若現咁表露無遺，再加一條小三角內褲，便足以令大部分男人投降。

艷舞谷慾火

加州嘅桌上舞俱樂部，仍然係當地最受歡迎嘅夜場之一，好多男人對桌上舞這表演睇極都唔厭。當地更有唔少男人，想娶桌上舞女郎做老婆，為嘅係日日都有「Private Dance」睇，所以千祈唔好睇小艷舞嘅威力。女人穿上性感內衣扭動蛇腰，喺男人眼中，係一種刺激無限嘅好享受，尤其是進行性愛前女人肯跳番Part艷舞，男人一定會慾火焚身。

吊帶襪誘惑

吊帶襪喺男人眼中係一種超誘惑嘅衣着，無論係黑絲、魚網或者暗花，總之一穿上就可以令自己嘅誘惑力大大增強。美國有性學專家分析，男人性慾高漲時，根本分唔出美醜，一切本能都已經失控，被體內嘅慾火迷惑咗。所以原則上任何女人穿上吊帶襪都能夠令男人慾火焚身，只要佢識得好好運用視覺刺激就可以喇！