世界波：Jenna Jameson 吸金脫女王

經濟動盪加上末日論，2012想好都難！但難捱都要開飯，若然有留意，愈嚟愈多男女爭住入行跳艷舞搵銀，再搏啲嘅會選擇剝清做脫星，而近期網上最多人問嘅問題竟然係「How much money does a porn star earn？」脫星搵幾多？當然冇一定答案啦！但亦有網站表示2011年終統計，原來5大色情工作者嘅收入，竟然多到你同我都估唔到！

市道唔好人人爭住做脫星，網站Bestreviewer近期有個男女脫星年度搵銀統計，指出女性色情演員平均每年搵20萬美元（約156萬港元），而有小部分一線脫星，每年至少搵50萬美元（約390萬港元）！再者囡囡搵銀途徑多，令不少女士心動。至於近年最搵銀女脫星又係邊個？即睇！

第一位

Jenna係歐美家喻戶曉嘅脫星，有「Queen of Porn」稱號。阿妹喺07年退役後就成功轉型，出入上流社會。Jenna搵錢瓣數勁多，開設個人公司後，04年推出個人自傳《How To Make Love Like A Porn Star》於歐美熱賣，今日依然收緊版稅，多年前已做成人電視節目主持大談性經，推出真人倒模名器，據聞每年更新再版一次「吸水」。又做過卡通及3D遊戲配音，更離譜係推出玩具Figure，每件售超過200美元，仲有炒價添！

雖然阿妹已冇推出四仔，但佢最搵銀嘅係個人網站，會員近百萬，阿妹定期會有寫真及自摸短片上載，單係收會費都好和味。據指阿妹副身家至少高達3千萬美元，咁咪成24億港元？剝衫都搵過億，我都想入行呀！

億萬天后 Jenna Jameson

出生日期：1974年4月9日

三圍：34C-22-33

身高：5呎6吋

第二位

呢一輩嘅四仔迷未必識得佢，但阿妹係少數有亞裔血統嘅脫星喺美國剝衫搵食，難怪00年出道時震驚歐美四仔界。Tera最出名嘅唔係假波，而係中國人嘅美德─夠勤力！佢接受訪問時講過：「入行時我就發過誓要搵到過百萬至引退！」憑住呢股信念，阿妹床上床下都瞓身演出，且男女不拘，輕重口味都唔放過，亦因為咁成為頒獎禮常客。成名後，Tera自立門戶，簽新人、開網站、製作四仔，據指每年營業額高達3千萬美元。

千萬營業額 Tera Patrick

出生日期：1976年7月25日

三圍：36E-24-38

身高：5呎9吋

第三位

Jesse Jane由03年簽約Digital Playground後一直未離開過，雖然推出嘅例牌係攞獎大作，亦係必然女主角，但平時就甚少有佢嘅蹤影，連個人網站亦係由公司製作，原以為佢賺得唔算多。不過食腦嘅佢好識拓展知名度，例如幫雜誌寫專欄，又推出真人倒模名器，不經不覺一年就搵成800萬美元，真係估佢唔到。

年薪8百萬 Jesse Jane

出生日期：1979年7月16日

三圍：32D-22-30

身高：5呎1吋

高樹瑪莉亞 版稅勁

五大裏面頭三位都係紅極一時嘅歐美女脫星，但最估唔到係第五位竟然係已退役嘅日本AV女優高樹瑪莉亞！阿妹於90年代尾走紅，之後轉型做電視演員，當年係Max-A合約女優嘅佢，由於有賣埠保證，據聞單係下載所收版稅，每年就袋260萬美元，至於分到幾多就只有佢自己知喇！