混血女神向欣薇

今日介紹呢位人氣新星，係嚟自湖北武漢嘅靚女向欣薇，佢係中美混血兒，樣子標致、輪廓突出，咪睇佢嘅外表成熟，其實佢只得19歲，據知佢家陣仲未有男朋友添！

先講欣薇入行嘅經過，話說佢16歲嗰年陪朋友參加選秀比賽，結果佢擊敗晒其他參賽者，成為最年輕嘅冠軍得主，自此踏上模特兒生涯。初出道時，欣薇主力拍攝硬照工作，由於佢樣子標致，身材高挑，加上一對35吋豪乳，以及渾圓翹臀，真係着乜衫都吸引死人，尤其係着泳衣，惹火又性感，難怪一眾網友爭相轉貼，令佢人氣大旺，火速成為模特兒界嘅紅人，除咗不停接拍廣告之外，仲拍咗三套電影，真係豬籠入水。

宅男至愛

至於欣薇嘅感情生活，佢一直好少公開，但據網友爆料，欣薇家陣係單身，唔知係佢工作太忙，定係佢擇偶條件太高，以致仲未有男朋友。但係咁都好，事關不知幾多宅男都視欣薇為女神，如果佢有男朋友的話，相信會令好多男粉絲傷心，所以欣薇將來覓到另一半，都係唔公開好啲囉！此外，近排欣薇主力拍電影，希望佢做明星嘅同時，唔好忘記支持佢嘅粉絲，有時間拍攝多啲噴血寫真，唔好嘥咗咁好嘅身材嘛！

向欣薇Profile

出生地：湖北武漢

三圍：35-24-34

身高：170cm

興趣：煮嘢食