世界波：玩具刺激4級高潮High翻天

又震又叫係高潮表現？抑或潮吹至係高潮最高境界？原來兩者都只係啱少少！根據美國性學專家Betty Dodson最新一份性愛報告內容，女性高潮共分為4級，每種高潮都各有特徵。想伴侶次次都嚟料，不妨跟住以下方法，包你高潮迭起！

人稱Dr. Betty嘅Betty Dodson，喺80年代已開始發表文章替人解決性疑難，至今82歲依然有心有力，替天下女性鑽研高潮秘技，難怪有高潮專家之稱！呢期阿姐又有新料爆，名為「Learn a New Orgasm」，拆解女性4種高潮現象，包括：壓力高潮、張力高潮、鬆弛性高潮及組合性高潮。Betty姐除咗發布學術性論文道出高潮形態外，更會教你自摸體驗，女人想高潮不斷，即學！

Grade 1：壓力高潮Pressure Orgasm

要爽唔使用手嘅，夾大髀就得啦！Betty姐指壓力高潮最易到位，通常將個枕頭、甚或緊夾大腿摩擦，都可以產生痕癢快感，若然再繼續刺激，即會出現初級高潮。

但要注意此高潮係最低級別，無論動作再多、壓力再大、快感都只會持續而不會提升。加上Betty姐表示現代女性習慣長期穿着超Skinny窄身褲，令敏感部位感覺遲鈍，還是少着為妙！

Grade 2：張力高潮Tension Orgasm

張力高潮多出現於青春期階段，依靠大腿及臀部肌肉令體內出現反應，Betty姐解釋由於青春期體內賀爾蒙分泌有異，多做快速運動會令下體受到極大刺激，產生爆炸性高潮；無奈一閃即逝，而呢種高潮無聲無息，毋須任何性行為亦能感到快慰，做多啲運動即可。

Grade 3：鬆弛性高潮Relaxation Orgasm

鬆弛性高潮需依靠伴侶達到，其實即係前奏，Betty姐強調，由於女性生理結構同男士分別甚大，因此「入閘」前必須要有足夠前奏，包括愛撫、針對性按摩、替女士作口舌服務、言語調情等，缺一不可！正常女性起碼要15分鐘熱身，而女士事前亦最好做瑜伽運動，令全身及盆骨肌肉放鬆，先容易令生理及心理出現高潮。

Grade 4：組合性高潮Combination Orgasm

呢種係最高層次嘅高潮，只要掌握得好，高潮時間任你控制。Betty姐曾經喺自慰工作坊教授學員，當女士清楚了解自己嘅生理及心理結構後，於自慰或性交途中準備出現高潮時，可使用變速震蛋直接刺激陰部，提升高潮Level。

潮吹非高潮

Dr. Betty曾於解答讀者性疑難時強調，潮吹（Squirting）絕不是高潮，可以係女士性經驗淺或下體過於敏感所致，女士要達到高潮，需要用手或外物刺激「敏感點」（Hot Spot）、「G點」等，否則單單潮吹，係唔會有滿足嘅感覺o架！