世界波：不能犯的床上 Manner

聖誕過後又到元旦假期，絕對係我哋單身可憐蟲外出溝女、搵番個伴嘅好日子。不過好多兄弟只係一心諗住有性無愛，雖然我唔反對，之但係享受期間亦要小心，否則就算進行激情互動途中，都可能會令當晚嘅伴侶反面，到時畀人踢落床就掃興啦！

唔少朋友成日大談自己有何優點做情聖，不過對於缺點就採迴避政策。小弟我就絕對唔會咁做，要知道上到床唔係單憑一股自信，就可以令女伴欲仙欲死，纏綿途中一些微小嘅事情都有可能影響到整場房事，甚至彼此關係，所以今日我就為大家講吓床上錯誤，等大家可以小心避免。

誤會性暗示

早前美國德克薩斯大學進行咗一項研究，發現好多男人以為女方向自己表示好感，就代表對方希望同自己上床；遺憾嘅係，絕大部分女性只會對富有魅力嘅男人有上床意欲。而呢類有魅力男士大多係風度翩翩，有自信得嚟絕不自大，絕少會誤將女方表達嘅好感當係上床嘅性暗示。其實，只要各位兄弟顧己及人，顧及對方嘅真正感受，咁就唔會咁易犯錯。

試探好過突襲

無故被其他人突然摸胸，就算係男人都會嚇一跳，甚至怒火中燒，事實上你嘅女伴亦一樣。女人唔似得男人咁，性慾可以一下子就變得高漲，需要有Mood至得，所以若然你一心想令對方驚喜而無故施襲，以為對方會好似四仔當中嘅女優一樣，被襲之時欲拒還迎，繼而全情投入，咁就大錯特錯。應該先於對方默許之下，以一個深吻加上輕輕撫摸以作試探，咁樣女方會易接受得多。

做足前戲先埋牙

一級球員之所以能夠取得入球，除咗靠腳法，仲要靠本身對賽情嘅冷靜分析及部署，絕對唔係帶波亂闖亂射就得。作為一個良好嘅床伴，亦要學習呢種態度，見女伴點頭答應行房，唔好以為表示可以即刻做，一定要做足前戲，令對方有時間將情緒提升至高漲程度，最重要係畀時間佢濕潤一下。若然你認為前戲做得太耐，易令細佬軟化落嚟，咁只係閣下嘅體質問題，多做運動鍛煉吓已經配合到啦！

投其所好手口並用

電影《生於七月四日》中，戲中嘅靚仔湯因為於戰役中受傷導致下身癱瘓，從此不能人道而意志消沉。後來佢被一名妓女以上乘口技刺激，至發現高潮唔止係靠抽送得來。不過唔少男人卻誤以為女伴畀佢抽送得好High，殊不知女伴卻一啲Feel都冇。事實上，男人只需靠把口同手指，刺激女方嘅陰蒂，都可以令佢嘅高潮一浪接一浪，如果知道女伴喜愛此方法，就要記住做多啲喇！