貴氣逼人 鄭安琦
內地代表成功人士有所謂「五子」，就係妻子、銀子、房子、車子同埋兒子，因此可以同時擔任汽車及房地產廣告嘅模特兒，一定係大有來頭，好似鄭安琦就係其中之一。
出生於新疆烏魯木齊嘅安琦，皮膚白又滑溜，完全唔似係嚟自大草原嘅地方。安琦甫出道時主力擔任車模，喺展場上初露鋒芒，男士們對佢印象難忘，之後每有安琦出現嘅車展，龍友都紛紛嚟捧場，爭相拍照，好快安琦就被封為內地十優車模之一，足見佢有幾咁受歡迎，人氣大盛。
氣質獨特
及後，安琦除咗替多本雜誌拍攝硬照，更拍攝不同類型嘅廣告，包括汽車及樓盤廣告，又難怪嘅，安琦氣質高貴大方，由佢擔任高價商品嘅代言人，就最合適不過。
此外，安琦拍攝寫真時，即使只簡單地穿着一件泳衣，都會散發出一股獨特的氣質，迷倒一眾男士。不過，安琦家陣已貴為人氣名模，所以惜肉如金，近排已經好少拍攝性感寫真，令唔少粉絲失望。
成搶手貨
最近安琦跟其他名模一樣，嘗試作多方面發展，不時出席電視節目，有時做嘉賓，有時做客席主持，由於安琦樣子標青、頭腦靈活，加埋口齒伶俐，所以大受製作單位歡迎，節目上完一個又一個，令其人氣有增無減。據安琦喺微博透露，明年更會拍電影，同時會拍攝一輯大膽噴血寫真回饋粉絲，大家拭目以待啦！
鄭安琦Profile
出生地：新疆烏魯木齊
三圍：33-25-35
身高：174cm
興趣：睇漫畫