世界波：毒男有因鹹網要小心！

根據非正式統計，現時美國有超過450萬個成人網站，每日有近4,500萬人瀏覽，市場咁大，難怪當地男女都爭崩頭做脫星！不過作為用家嘅你，有冇諗過睇得鹹網多會變「毒男」，甚至令你於真實性生活中變成無能男呢？唔想咁快玩完，由今日起好戒色喇！

所謂「毒男」，係指欠缺異性緣嘅單身男性，源自日文「獨男」，更引伸至具備不受女性歡迎行徑、沉迷網絡電玩等習性的男子。早前一本國際知名雜誌引述專家表示：「鹹網帶走男士愛情生活！」當中分為4點拆解鹹網嘅深遠影響力，仲指出佢係製造毒男嘅元兇！

感覺減弱

首先，色情網站會令男性對生理感覺麻木，原因係網站嘅虛擬令人失去反應，例如脫星突如其來嘅一吻、倒奶，用家冇權選擇接受與否，又或脫星跳鋼管舞時忽然剝清，隔住屏幕嘅觀眾大腦來不及反應就要照單全收，無奈囡囡自顧自剝，同用家欠缺互動，久而久之，男士連接吻、愛撫、性交姿勢及肌膚接觸感覺都會慢慢減弱！

追求更高質

其次係「標準愈Set愈高」（Setting High Standards），由於網站競爭激烈，為搶客，每日都有更優質嘅網站出現，漸漸令男士對質素要求不斷提升，追求更完美視覺效果。無奈現實女性根本難以配合，虛擬與現實嘅落差，令人只沉醉於虛幻嘅完美滿足，而抗拒真實女性！

自娛障礙

當色情網站成為男士「必需品」，每日要「打卡」至安樂，自娛（Masturbating）亦成為你另一解決慾火嘅方法。缺乏社交及性交，變相性技變得一敗塗地、性經驗歸零，同時網站刺激要不斷提升，令自娛敏感度下降，愈想出愈出唔到，引發心理性功能障礙。但咁並唔代表於網絡世界會找到快慰，因為網站成千上萬，性慾無限，無奈時間有限：愈花時間去搵一個「心水脫星」解慰，愈發現有其他更精彩的，搞到遲遲未成事，最終無法出火！

鹹網專用域名冇人吼

雖然報告指出色情網毒害宅男，可惜並冇教人如何脫離網絡成癮正確方法，而另一調查報告仲要踩多腳，有指「.xxx」域名（成人網站專用）已正式實施，但色情業界完全冇興趣，更表示不會採用，理由係怕成人網站被「標籤化」，被搜尋引擎輕易「篩」走，甚至被家長預設過濾級別，令色情資訊無法入屋，阻礙發展喎！