世界波：想入非非慾望無止境

唔少男人都嫌女人「茶煲」，多嘢諗不特止，更會諗埋好多難以理解嘅問題，最終令男人大嗌救命。不過無論你幾唔明白女人都好，對於佢哋嘅性幻想內容就一定要知，否則好容易令雙方性生活唔如意，感情自然唔會長久。為咗自己同伴侶嘅性福着想，係時候要了解女人多啲喇！

但凡有豐富性幻想嘅女人，都係容易動情嘅人，渾身散發着性感魅力，所以性幻想對女人嚟講，唔係諗吓咁簡單，仲有影響體內賀爾蒙嘅能力。丹麥性學家指出，如果在兩性歡娛之時冇性幻想的話，性事就會變得呆板，久而久之就變成例行公事，很難得到快感及高潮。

掛念前度

女人或多或少都會對舊情人有丁點兒幻想存在，就算依家同新歡幸福快樂，但偶爾腦海裏都會浮現出舊愛嘅影子。其實做愛嘅時候，幻想同呢啲「本來可能，最終不能」嘅男人做愛，往往令女人喺肉體上得到更大歡娛。而呢種一時嘅「非分之想」，又唔會構成對伴侶嘅欺詐，所以男人一定要學習大方一啲，唔好對伴侶嘅前度太過在意，甚至應鼓勵佢哋多作幻想，令性愛進行時加倍激情。

同性相吸

跟男人相比，有好多女人會幻想與同性發生性關係，究其原因可能係女人之間嘅感情比較含蓄，就算係幻想中嘅同性性行為亦較易接受。而產生呢種幻想嘅女人，大部分都唔係同性戀，因為佢哋嘅幻想對象，通常都係陌生人，所以男人一旦發現女人有呢種幻想，絕對唔使驚訝，呢啲只不過係一種調劑性生活嘅幻想而已。

幻想被強暴

根據丹麥嘅性學專家指出，有好多女性都曾經幻想過被人「安全地」強暴，可能呢種幻想會令人覺得不可思議，或與現實相距太遠，但其實只係反映喺性愛形式上而已，男人偶爾比較粗暴、激烈，迅速嘅行動，已能符合女人「被強暴」嘅幻想，令佢哋更易獲得高潮。但男人一定要分清楚，呢種並唔係真正嘅暴力行為，純粹「遊戲式」嘅玩意已經可以令佢哋高潮迭起，千祈咪嚟真玩霸王硬上弓。

迷惑男人

幾乎所有女人都會幻想自己係個備受男人迷戀嘅對象，所以佢哋對男人嘅甜言蜜語，一概會照單全收，甚麼漂亮出眾、性感可愛等形容詞，都足以令女人樂上半天。男人想令女人喺床上心滿意足，讚美嘅說話絕對少不得，癡迷嘅眼神更加不可或缺，令女人墮入自己被迷戀嘅幻想，足以令佢哋嘅身心產生無限快感。