騎呢Game慾火升

依家社會風氣愈來愈開放，不少人對性嘅概念更愈來愈騎呢，從前認為離經叛道嘅3P、情慾自拍、角色扮演等等，依家已經好平常。最近荷蘭嘅性愛研究中心，就着現今歐洲最流行嘅性遊戲做咗個調查，當中4 種都幾騎呢o架！

呢4種性遊戲當中，最受歡迎嘅係嬰兒遊戲，唔知係咪因為近期歐洲經濟出現嚴重問題，令好多人嘅生活壓力都瀕臨爆煲邊緣，索性逃避現實，令自己有如重投嬰孩時代。將煩惱暫時掉埋一邊！

嬰兒遊戲

其實呢個玩意喺美國已經流行咗一段日子，佢哋稱之為「Baby Fetish」，一批專扮細路嘅「Adult Baby Girls」更應運而生。不過夫婦間中玩吓，又唔使咁認真，最多都係戴條口水肩，咬個奶嘴，對伴侶撒吓嬌。見到可愛嬌妻扮BB嗲你，再木獨嘅男人都會即刻慾火焚身，變身餓「狼」撲羊啦。

動物誘惑

為咗增加性樂趣，有時候必定要靠一啲情趣玩意幫手，模仿動物原來係唔少人嘅選擇。女人扮野貓，既野性又誘惑，係男人見到都衝動；而男人就比較鍾意扮大灰熊，一個唔覺意就作出熊抱突襲，將伴侶一擁入懷，再伸出熊爪上下其手，玩玩吓所有繃緊嘅神經都完全紓緩晒，性事自然更有樂趣。

裸體談情

夫妻赤裸相對，其實冇咩大不了，但因為城市居住環境稠密，偶爾喺家中赤身露體都驚畀鄰居望到，所以要喺家中玩赤裸遊戲，就一定要事先計劃好，除咗拉好窗簾外，仲可以預備定浪漫音樂、美酒佳餚，同伴侶赤裸談情。

雖然，大家對彼此嘅身體已經見慣見熟，但赤裸食飯、聽音樂甚至跳舞，都會令整件事變得更有趣，內心嘅慾望隨時一觸即發。

滿足幻想

人類嘅性行為比動物嘅有趣得多，當中最大嘅差別，係因為人類有想像力。所以美滿嘅性生活中，絕對唔可以缺少性幻想。荷蘭人認為幻想遊戲最易實行，男女雙方只需要喺性愛過程中，加入性幻想，即可大大增加滿足感。例如當伴侶係自己嘅偶像，幻想自己終於可以將夢寐以求嘅對象征服，嗰種心理滿足，往往能為肉體帶來更大歡娛。