真空上陣 王瑜

唔講唔知，喺內地模特兒界，叫王瑜嘅靚女不下數十人，但當中可以上到位又有知名度嘅，就只得兩三個，好似今日介紹嘅女主角，就係其中之一，她實力非凡，他朝定非池中物。

今年22歲嘅王瑜，又叫YuYu，嚟自盛產美女嘅遼寧大連，YuYu絕對係其中一個，雖然佢入行日子唔長，但憑住煞食嘅外形，火速上位，大受歡迎。

演出拚搏

雖然YuYu嘅身材唔算激凸火辣型，但係三圍勻稱，配合一對42吋長腿，極之吸引，加上佢夠拚搏，就算拍攝普通時裝硬照，佢都會瞓身演出，周不時半裸真空上陣，例如佢拍攝一輯牛仔褲硬照，就只係着住條牛仔褲，上身乜都唔着任影，相片效果令人眼球充滿慾火，噴血度極高。YuYu嘅大膽作風，真係好多模特兒都望塵莫及，所以深得一啲前衞派攝影師嘅歡迎，工作接唔停手，人氣高企。

形象百變

雖然王瑜喺模特兒界已經有一定知名度，但佢認為根基仲未打得穩，所以目前只會專注模特兒工作，短時間內都唔會撈過界走去拍電影或者做節目主持。

YuYu形象百變，而且每次拍攝都感情豐富，七情上面，如果要响娛樂圈發展的話，對YuYu嚟講應該係冇難度，但既然佢未有進一步嘅打算，就希望佢繼續拍多啲性感寫真，源源不絕咁Show Quali，咁佢嘅人氣就會保持增長，遲啲進軍娛樂圈就大把粉絲支持啦！

王瑜 Profile

出生地：遼寧大連

三　圍：33-24-34

身　高：173cm

興　趣：購物