色誘打蠟仔
美國人大部分都鍾意住House，不過間屋咁大，自然好多家務要做，淨係剪草都剪到氣咳。不過對於一眾闊太嚟講，有錢使得鬼推磨，任何家務都可以請專人料理，遇啱個家務助理夠靚仔，仲可以順便勾搭埋，食個快餐都仲有時間剩。
蠟水都慳番
打地蠟絕對係一門專業工作，外國有好多闊太都鍾意請專人返屋企打蠟，打到地板立立令，好鬼有派頭。不過眾多清潔公司中，呢間「尊尼地蠟公司」就特別多闊太幫襯，事關佢哋嘅打蠟仔，個個都大隻又靚仔，闊太睇見都流晒口水，隨時連蠟水都慳番。所以呢間公司每星期都起碼有十幾單地蠟Order，囝囝打蠟打到氣咳，仲賺外快賺到腳軟，真係羨慕死人。