一屋春光 之 斯文俏佳人

阿娟聞言即嗲道：「我家陣好豪放咩？我個姊妹叫做美華，係好斯文嘅女仔嚟㗎！」說完她又吻了肥德一下。肥德輕輕將阿娟推開，然後跟阿言道：「你快啲答應啦！美華真係好索o架！如果我唔係已經有條正菜嘅話，我一定會啅咗佢。」阿娟聞言即大發嬌嗔，並說如果今晚不將肥德榨乾榨淨，不讓他睡覺云云。

氣質美女

阿言見兩人動作又再不規矩起來，便大聲道：「好啦！你約佢出嚟啦！唔該你哋依家返入房呀！」然後將兩人推了出去。阿言絲毫沒將介紹女友的事放在心上，近日只埋首在房內加設隔音層，免得再受肥德和美娟的「滋擾」。

這晚阿言放工回家，赫見有個氣質斯文、樣貌可人的美女開門，若非瞥見美女身後的阿娟，他真的以為入錯屋！阿娟拉了阿言入屋後笑道：「我同你介紹，呢位就係我個好姊妹美華！」跟着她又跟美華介紹阿言。阿言沒想到美華比阿娟還要漂亮，樣貌和身材更是模特兒級數。肥德見阿言看得目瞪口呆，即上前拉着他說：「我哋今晚打邊爐，你就同美華一齊坐啦！」

意外舉動

眾人言談甚歡，加上幾杯到肚，肥德跟阿娟又不規矩起來，竟當着阿言和美華面前打茄輪兼搜身，看得阿言極感尷尬，便拉美華入他的房，免得被迫看到不堪入目的畫面。入房後，阿言便說：「佢哋經常係咁，你唔好見怪。」美華面紅道：「其實我睇慣喇！我同佢哋兩個食飯時，佢哋都經常係咁。」阿言好奇問：「你唔覺得尷尬咩？」美華笑道：「你夠成日見佢哋咁樣啦！你又唔覺得尷尬咩？」然後兩人便大笑起來。

跟着美華突然說要用電腦，然後將滑鼠輕輕撥了一撥，電腦即從休眠狀態中醒來，入目的竟是一套四級電影！原來昨晚阿言倦極而睡，忘了將電影關掉。阿言見到美華漲紅了的俏臉，二話不說，便搶着將電腦關掉。想不到美華接下來的反應，竟出乎阿言意料之外！（待續）