世界波：性愛好不好 關鍵在硬度

人人都想擁有完美性愛，但究竟完美性愛關鍵係乜嘢呢？近日《生命時報》聯合「搜狐網」進行咗一項「性愛質量由何決定」嘅網絡調查，發現多數人對影響性生活嘅關鍵因素，都有明確嘅認知。其中6成多受訪者認為性愛時間同勃起狀態係改善性愛質素嘅主因。

今次調查一共有6千幾人參加，男性佔70%，而大部分嘅男人都好關注自己嘅性能力，希望利用各種手段去提高性愛質量。在調查中，更發現僅有30%嘅人覺得自己嘅性生活質量好高，而50%嘅人就覺得一般，仲有剩低20%嘅人最坦白，承認自己嘅性生活唔掂。與其逃避，不如面對，既然知道硬度重要性，不如確實執行，嘗試改善自己嘅雄風。

專心一致

有好多文章、研究話畀我哋聽，性愛係一件需要用浪漫經營嘅事，例如播放背景音樂、燃點香薰蠟燭、沐浴調情、挑選不受打擾嘅環境，再加上各種溫柔前戲等。其實，男人首要關注嘅問題，係如何保持硬度及持久力，冇呢兩點，任何花招手段都係徒然。而男人要保持硬度及持久力，就需要專注，不能分心搞東搞西，或是一邊思考工作問題，一邊喺伴侶身上衝刺，咁樣只會令性愛質量大大降低。

享受性愛

每個人對待性愛，都有不同嘅態度，有人認為係為咗生兒育女至做愛，有人則認為係滿足自己嘅性慾，亦有人認為係夫妻間嘅義務，所以愈做愈公式化，味如嚼蠟。所以想自己嘅硬度同持久力都保持喺理想狀態，就一定要將性愛當成一種享受，自己享受之餘，更要帶畀伴侶無限歡娛，咁樣先可以令身心獲得滿足，硬度自然更加充足。

面對現實

不過現代人生活壓力咁大，男人硬度不足，絕對係好常見嘅事情，所以千祈唔使介懷，只需要坦然面對就得喇！因為逃避只會將問題變得愈來愈嚴重，面對卻可以尋求解決方法。反正硬度不足唔係不治之症，有時候只需要充足休息、宣洩壓力、或者食少兩支煙，已經可以令自己嘅雄風再現。萬一真係患有勃起功能障礙，只要及早求醫，亦可以獲得改善。