北夜天：囡囡扮o靚模拍寫真

最近成都出現一班o靚模，佢哋喺網上發貼徵求龍友拍攝寫真，兩小時內剝衫任拍，若然啱Key嘅話，仲可以有下文添！據知呢班o靚模其實係夜場囡囡，藉住拍攝寫真拉客搵外快。

呢班o靚模個個都身材惹火，熱情又豪放，難怪引誘到唔少龍友上釣。據一位龍友表示，呢班所謂嘅o靚模實情係夜場囡囡，扮成模特兒吸引龍友影相：「佢哋喺網上主動發貼徵求龍友組團拍攝寫真，每團6人起計，每位收費¥1,000起，視乎時間、地點及裸露程度作決定，基本上要求囡囡露兩點都冇問題。既然囡囡肯露，就會有人肯拍，而畀得起錢嘅大有人在！」

赤裸任影

若果以一團6人計，囡囡可以淨袋¥6,000，拍足一日仲好搵過喺夜總會返工，難怪囡囡爭住組隊搵食。

有龍友話：「依家喺網上有好多呢類『o靚模寫真團』，求其登入攝影討論區都會搵到，而龍友最關心嘅並非囡囡嘅年齡身高三圍，反而係佢哋露得有幾激，若然囡囡四點盡露，肯定大受歡迎啦！」照咁講，o靚模寫真團同影鹹書無乜分別！

雖然呢班龍友會喺網上討論區分享拍攝心得，但就唔會免費將「作品」公開益網友，有龍友解釋：「我哋畀咁多錢影相，網友唔使錢就想有得睇，冇咁着數囉！同時免得引起外界關注，到時惹起有關當局封殺就冇運行，況且龍友畀得起錢更可以同囡囡短敍，甚至拍埋短片都得，梗係留番自己爽啦！」