世界波：淫語催情愈Chat愈高漲

日本AV界近期出現唔少以淫語作為主題嘅系列，雖然我哋一眾中華男兒多數只係識聽「也咩嗲」以及「二姑」，但係見到女優一臉淫蕩咁以嗲聲說話，又的確幾過癮。如果想更過癮呢，仲可以鑽研一下淫語藝術，將之活用於生活當中，親身享受吓。

家陣好多人都已經換咗智能手機，除咗因為一部機有晒睇片、聽歌、上網功能外，仲因為夠潮。不過，用咗智能手機之後，大家都講少咗嘢，事關手機有好多App畀你打字互Chat，結果就令大家口技削弱，繼而影響床上歡樂喇。

點解咁講？事關口技了得，對於刺激性生活有莫大用處，不過此口技並非指吹奏或接吻技巧，而係於房事時同對手互講淫語嘅技巧。

催動幻想

淫語唔係只得感到快慰而發出嘅呻吟聲，主要係由有意思嘅字詞組成，例如「你好勁呀！」、「你搞到我好興奮呀！」，不過呢類淫語就過分簡單，兼且容易被人認為只屬虛情假意，絕對唔係我哋想要嘅淫語。

其實淫語喺外國早就被認為係良好嘅前戲，效果同接吻、愛撫、吹奏一樣咁正。好多研究都表示，女性雖然往往靠享受前戲至可以得到高潮，可惜男性即使有心做，但摸摸錫錫幾分鐘已經覺得好悶，之但係用淫語去配搭上述嘅前戲就唔同喇，因為淫語係聽覺刺激，能催動對手嘅性幻想。

配合床上遊戲

有人問：我哋男人連講句我愛你都未必開到口，點喺床度大講淫語呢？唔通要靠酒精幫助，至可以打開心扉？

事實上，要令自己同對方毫無芥蒂咁講出淫語，事前大家可以多睇情色文章，學一學當中嘅淫穢詞彙，否則真係淫語用時方恨少。之後，可以透過玩床上遊戲幫助，方法如下：

你唔講，我唔做

好似睇波咁，雙方互有攻守至好睇，而床上淫語亦係一樣，但千祈唔好一齊講，如果唔係聲線混雜就聽唔到對方發自內心嘅「深情說話」。而呢個「你唔講，我唔做」嘅淫語遊戲，原理都係一樣，一方說話，另一方進行前戲。例如，男方埋首於女方嘅雙腿之間，女方需要講出適當指示，想大力啲，想深入啲，想用嘴唇定用舌尖，都要講到清清楚楚，否則男方一定要停落嚟。

文筆輔助

拍戲一定要有劇本，特別係拍AV，如果演員成日需要臨場發揮，分分鐘搞到手忙腳亂，甚至提早完事，已經精華盡洩嘅男優真係要食虎鞭至可以再拍過。所以，若然怕自己到時諗唔到有咩淫語，不妨預先撰寫一份簡單劇本，寫出自己想對方點玩，照住嚟讀就唔怕口窒窒，仲可以充分表達到自己心中嘅意思。而且寫鹹濕劇本嘅過程，其實都幾過癮o架！