最索車模車玉璐
今日介紹一位高妹畀大家認識，佢就係車玉璐，嚟自遼寧大連，身高175cm，天生一副模特兒骨架。玉璐氣質清麗脫俗，散發出一股青春氣息；身材方面，十分之有睇頭，三圍有33-24-35，玲瓏浮凸，配埋一對42吋修長美腿，可以話完美無瑕，難怪佢出道冇耐，便火速竄紅，人氣極盛，更被譽為大連最美車模，足見其魅力非凡。
最近玉璐亦作多方面發展，除咗客串演出處境劇，又拍攝電影，據講仲係第二女主角添，可想而知，玉璐幾咁受歡迎。有傳媒問佢會唔會去北京發展？佢就話依家未係時候，目前專注喺老家發展，打穩事業基礎後再作考慮。其實以玉璐嘅質素同實力，去邊度發展都冇問題啦！
車玉璐Profile
出生地：遼寧大連
三 圍：33-24-35
身 高：175cm
興 趣：影相、唱歌