士多揀囡囡
大家有冇諗過，去士多除咗可以買小食同飲品外，仲可以搵囡囡呢？有老友早排去咗武漢公幹，而佢住宿嘅地方，距離市區甚遠，佢當時心諗：「如果要去玩嘅話，咪要坐成半粒鐘車程先至出到去？」及後佢發現樓下有間士多（內地叫小賣店）經常坐咗一班衣着性感兼濃妝艷抹嘅索女，佢就問士多老闆，呢班囡囡坐喺度做乜？老闆就話：「佢哋係小姐嚟o架！你有冇睇啱心水呀？我同你介紹吓！」然後就拉老友去到班囡囡面前，逐一介紹畀佢識。老友見到個個嘅質素都唔錯，揀啱心水後就拿拿臨上樓入閘。梳乎完後，老友落樓下同士多老闆吹水，問佢點解會兼做埋倉仔。老闆嘆氣話：「你有所不知喇！做士多賺唔到幾多錢，惟有兼做埋呢行至搵到餐食，因此家陣附近唔少士多，都會有囡囡打躉。」