日本嘅水着寫真集一向都咁有水準，身上套火辣泳裝更係正到殺死人。不過，佢哋套泳裝幾火辣都好，除咗泳池同海灘之外，其他場景都唔係咁適用，最好就學吓可愛小美人道重沙由美咁大玩變裝誘惑。
今年22歲嘅沙由美自從脫離早安少女組之後，除咗拍過8本寫真集外，亦係人氣少女組合美勇傳嘅成員之一。最近，沙由美推出個人第9本寫真集《Sayuminglandoll》，當中阿妹將會盡情釋放自己嘅可愛魅力，並會配上不同裝扮，如兔女郎裝、芭比公仔裝等，感覺可愛又不失性感！