世界波：女人話齋濕身最High

美國一本知名成人雜誌，最近向1,000名女性作出性幻想調查，結果發現原來女人最常見嘅性幻想，就係玩濕身遊戲，其次就係蒙眼性愛，以及扮演性虐女王。皆因普遍女性嘅性生活都較呆板，而呢幾種常見於四仔嘅性玩意，則最令女人躍躍欲試，裏裏外外都即時變得濕潤起嚟！

原以為麻甩佬先鍾意睇艷情片嘅女主角畀人射到周身濕晒，令身上嘅衣物若隱若現，但原來喺現實生活中，真係有好多女人好想做濕身嗰個，睇住男人對佢哋嘅胴體「慾」罷不能、好想立刻征服嘅模樣，最令佢哋覺得刺激同心癢難耐。而略帶SM味嘅蒙眼遊戲，則因為看不到而令感覺更敏感。

水力衝擊

所謂「濕身遊戲」，其實即係用水柱射向女人嘅敏感點，令佢全身上下都受到水柱嘅刺激，呢種水力沖擊，好易令女人心動。不過喺屋企浴室玩，用花灑噴未必夠勁，所以不妨駁定條膠喉玩射水，女伴見到你咁細心，直情加晒分，慾火好易一發不可收拾。而男人見到女伴若隱若現嘅身段，亦自然性趣大增，難怪濕身遊戲咁得女士歡心。

蒙眼做愛

唔少人都覺得蒙上眼睛後，觸覺會比平時敏銳，對於女人而言，觸覺更係最能令佢哋動情嘅元素之一，所以蒙眼做愛，對女人嚟講好刺激。男人不妨放定一條絲巾喺床頭，趁前奏做到咁上下，就攞出嚟蒙住女伴雙眼，可大大增加女人嘅性刺激，令佢哋熱血沸騰，隨時可以製造出前所未有嘅驚喜同快感，對雙方都有極大好處。

性虐遊戲

現實生活中可能有好多女人仍然受制於男人，所以喺佢哋嘅性幻想中，好想將自己變成女王，對男人呼呼喝喝，甚至鞭打虐待，令男人成為佢哋嘅性奴。嗰種高高在上、肆意踐踏、凌辱男人所產生嘅優越感，能令佢哋無比興奮。不過對於男人而言，若非好此道者，畀人咁樣糟質，都真係幾難受。因為肯配合嘅男人唔多，難怪啲女人咁恨玩啦！