回佣方式搶客
以往囡囡同雞頭嘅身份可謂楚河漢界，不過最近有爸打抱怨呢期啲囡囡兼做埋雞頭，稱為「囡頭」，而雞頭又會落場招呼客人，搞到亂晒龍！本來起初覺得呢個問題不大，事關玩家都係旨在食女，其實懶理佢哋點分工。
但爸打解釋，問題係囡頭為咗搶生意，不惜以回佣方式吸引客人，如玩家A帶朋友，或電話介紹客人畀囡頭，A就會獲得回佣，介紹愈多客人，回佣就愈多，大約由¥100至¥300元不等。囡頭話：「呢個做法係希望靠客人介紹多啲朋友嚟玩，而我手頭上有夜總會PR同酒店高鐘妹，女源充足，有個玩家每星期都介紹10多個客人畀我，一個月可以賺到幾千銀o架！」
難怪爸打咁頭痕啦，事關家陣有多位囡頭叫佢介紹客人，而相熟雞頭又叫佢上去玩，結果搞到佢分身不暇，仲忙過返工喎！