春藥惹的禍

晨早起床，天朗氣清，尋晚嘅餘韻仲縈繞不散，不過隔籬件猛男仍然係死豬一隻，唔知真係以為佢虛脫死咗，我忽然間又有興致想食個早晨全餐，於是又伸出「撚雀聖手」，諗住將隻死鳥變成活鳥。點知當我隻手摸落佢身體嘅時候，發覺好冰冷，冷到有啲令人毛管戙，於是我出力推佢幾下，點知佢一啲反應都冇，我心諗：今次真係玩出火喇，勢估唔到佢尋晚咁威風，今朝就香消玉殞。我拿拿聲打電話落大堂，叫佢哋報警，然後立即梳洗，着番好衫，準備應付之後一連串嘅麻煩。

之後發生嘅所有事，我真係唔願再提，只慶幸佢冇死到，只不過係心臟病發，差啲死得啫！我真係要自我檢討一下，究竟係咪自己大食得滯搞出禍呢？好彩後來警方話畀我聽，喺佢嘅血液入面驗到有「禁藥」，我先至如釋重負。原來係佢自己唔掂啫，唔關我事。佢明知自己唔掂，食壯陽藥好心就食啲醫生開嘅，亂咁食唔死得都算大命，我以後揀仔真係唔心急得，唔係揀着個食藥軟皮蛇，就真係麻煩死。

搞咗成日，終於可以返屋企浸個香薰浴，我要好好Relax吓，呢個世界真係冇免費午餐，尋晚食嘅補品，差唔多嘔突。好在依家水落石出，終於可以甩身，萬幸嘅係呢件事冇曝到光，我又冇搵人幫手，所以應該冇人知，總算係我唯一嘅安慰。但係浸浴浸到一半嘅時候，電話突然響起，對面傳來Macy把聲：「喂！衰鬼，聽講你尋晚好麻煩喎！」佢把聲衰到冇人有，不過就算佢真係收到風，我都要死撐，死口唔認之下，佢都冇我符，我快快打發佢就收咗線……（待續）

Lady Barbara

某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。