世界波：激起慾火靠撫摸

據一個成人網站嘅調查發現，最能夠激起女人嘅慾火，就係溫柔嘅撫摸，不過好多男人亂咁摸亂咁摷，激唔起慾火之餘，仲搞到女人一肚火。所以一定要了解清楚，女人最鍾意畀人摸邊度，先至可以令慾火着咗唔死火。成人網站訪問咗1,000名女人，發現有90%嘅女人最鍾意男人摸自己條頸，有70%鍾意男人摸背脊，有50%鍾意男人摸小腹，仲有30%係耳珠。呢個結果令好多男人大叫死火，因為男人好多時淨係集中火力摷胸同摸籮，但係呢兩個重點，原來都唔係女人最有Feel最享受嘅地方。

摸頸好敏感

其實女人好多時都要靠觸覺先可以激起性慾，所以撫摸係性愛中一個好重要嘅環節，而女人條粉頸其實係一處好敏感嘅地方，只有好親密嘅人先畀撫摸o架！所以男人一定要把握時機，唔一定上床先摸得，纏綿時候已經可以毛手毛腳，針對女人嘅敏感點，就可以令佢哋好似觸電一樣喚起體內嘅慾望。

背脊好性感

背脊近股溝嘅地方，係女人最性感嘅地方之一，男人手多多時最鍾意摸Honey呢度，輕輕一掃已令女人產生酥麻感覺，全身好似食咗軟骨散一樣，話咁易就慶合合喇！所以男人不妨加多兩錢肉緊，一邊用手撫摸，一邊用親吻方式，增加女人嘅發情激素，將佢哋嘅慾望一次過誘發出嚟。

小腹係性地

大部分女人都好享受觸覺嘅刺激，尤其是黑暗中畀對方撫摸，感覺會更加強烈。因為觸覺刺激令女人體內分泌大量賀爾蒙，呢啲賀爾蒙正好促進血液循環，令女人喺性事中出現動人的紅暈，而撫摸女人嘅小腹，不但可以令女人情緒高漲，加快抵達高潮，更可以增強高潮嘅快感，所以小腹絕對係女人嘅撫摸「性地」。

記得錫耳珠

耳珠係女人嘅敏感地，可能好多男人都知道，所以上床纏綿嘅時候，一定會親吻耳珠，令女人有欲拒還迎嘅感覺。但其實有些女人更喜歡用撫摸方式去刺激耳珠，因為濕吻時濕漉漉的口水會令女人反感，所以下次試吓只用手去撫摸，用單純嘅肉體觸覺去激起女人嘅慾火，話唔定會令雙方都感覺煥然一新。