世界波：震物並享快意高漲

提到震蛋同震棒呢類震動型情趣用品，好多人都以為係單身女士嘅恩物。不過，其實家陣有好多震蛋，都係設計畀男士使用，只係使用嘅時候，通常係設置喺膠質「隧道」當中，以增加男士自娛嘅樂趣。但係，有專家就表示，男女交歡嘅時候同Honey孖住用，亦可以增加樂趣，點解唔物盡其用啫？

A片透視

大家有睇開日本AV片，會發現有好多作品都會用到震棒震蛋。呢類能夠輕易令女優驚呼狂叫嘅情趣用品出場率甚高嘅原因，除咗因為好多生產商同零售商與AV公司有合作關係，令產品頻頻喺片中曝光，有助速銷之外，亦因為家陣鬧男優荒，若有震棒輔助，男優就毋須硬砌硬做浪費精力。最過癮係，癡女女優反過嚟亦會用震物同男優玩淫辱遊戲。由此可見，震蛋震棒絕對可以男女Share用。

正面評價

雖然震物咁好玩，使用方便又唔係貴，可惜仍有不少保守男女怕尷尬唔敢提出使用。美國印第安納大學早前就男女對震物嘅接受程度進行過一次調查，在3,103個男女當中，足足有九成人表示接受使用震物，並且覺得使用震物有益無害。但是，男人們又怕唔怕枕邊人用過震物之後，會因為其強勁功能而令自己失寵，甚至令女伴對自己失去興趣呢？有37%女性會咁樣諗，之不過七成男人作出否定，證明佢哋對自己嘅性技巧同性能力極有信心。

更濕更興奮

主理呢次調查嘅Debra Herbenick表示，男士們的確唔需要擔心女伴會抗拒性愛中使用震棒，現實係唔少女性在用完之後，同男性交歡時更快得到高潮、增強對性接觸嘅感受、同濕滑程度，以及降低交歡時感到痛楚嘅機會，咁多好處又有咩理由唔將震物帶上床享受呢？不過，大家又可能會話，男人老狗冇理由玩震棒啫，咁諗就錯喇！男人同女人一樣有敏感點，亦即P點，位於會陰位置，一樣可以用震棒刺激，為男人帶嚟前所未有嘅高潮感覺。

三大重點

睇完上述嘅資料，相信各位男士對使用震物完全冇晒戒心，仲好想買番一兩件同老婆玩。生怕老婆唔鍾意？冇問題，使用同購買嘅時候有三大重點，大家了解完之後問題就可以迎刃而解喇。

1. 使用簡單

男人拎出一件震物展示於伴侶面前，好多女性都會感到尷尬，若然男方可於購買之前同老婆細心剖析使用震物嘅好處同樂趣，情況絕對可以大大改善。

2. 重視包裝

係女人都鍾意包裝精美嘅產品，買震物亦唔例外，挑選時最好揀件設計簡約嘅產品，而產品本身亦以外形簡單，或者Cutie動物造型為佳，用起來都冇咁尷尬。

3. 細心解釋

第一次買震物嘅時候，最重要就係挑選用法簡單嘅類型，例如只得兩粒按鈕嘅震蛋，以免使用時手忙腳亂，萬一搞半粒鐘都未摸熟，恐怕的難燃起老婆性趣。