世界波：2012脫星Calender 365日質飽你

早前愛爾蘭廉價航空搵旗下空姐剝剩內衣拍年曆籌款，聽落好似好吸引，可惜睇過嘅網友話啲女質素好一般，仲話從此對空姐失晒幻想！好彩仲有一班歐美脫星撐住，喺2012年新年曆大灑鹽花，就以今次嘅五大當紅推介為例，你又覺得邊個剝得最誘人呢？

每逢年尾又係各大脫星嘅搶錢旺季，因為具知名度嘅歐美脫星或裸模，都會湧住出年曆搵真銀。今年歐美經濟咁曳，更加唔可以放過任何搵錢機會，據聞連四仔片廠都唔放過掠水機會，拉埋旗下脫星齊齊出年曆，一個月騷一件索女，旨在質飽你！不過多唔代表好，始終年曆同寫真唔同，一年得12個月，即係得12張相，張張都要係心血力作先見得人。近期網友就喺成人吹水區精挑細選五位必買年曆脫星，唔知有冇啱你心水呢？

Got Gisele　話題索女

出生日期：1986年11月29日

三　　圍：36DD-26-36

身　　高：5呎7吋

網絡o靚模出身嘅Got Gisele，出道兩年幾都依然咁有話題性，記得當年只限於同會員玩情色視頻露兩球，事隔半年唔夠就現身於各大鹹網，又幫成人雜誌影封面，年中攞完鹹網嘅「Best Adult Model」及「Web Babe Of The Year 2010」獎後，又話只露兩點，點知9月已經喺網站四點失守，嚟緊阿妹趁月尾生日出處女月曆，聽聞仲會玩制服誘惑。

Rita G　瞓身野戰

出生日期：1980年2月5日

三　　圍：34C-27-37

身　　高：5呎7吋

喺四仔界成年冇見嘅Rita G，近期喺各大鹹網蒲番頭，小道消息話阿妹想喺脫星界收復失地，為明年初有四仔奧斯卡之稱嘅AVN頒獎禮爭番個姐仔獎，憑咩？原來阿妹轉咗去做動作脫星，即係Actiongirl.com搵食，雖然床上肉搏場面少，但一樣要剝清光上山下海，「戰場」由室內變野外，阿妹已表明將會為年曆瞓身演出，莫非暗示打野戰？

Chikita　波大有腦

出生日期：1986年6月23日

三　　圍：34DD-25-35

身　　高：5呎6吋

大波幾時都咁受歡迎，尤其捷克脫星Chikita堅波上陣仲係DD Cup咁罕見，自然更加得人鍾意！難怪當事人入行一年唔夠就被各大四仔片廠爭住收歸旗下，之但係阿妹雖然係掛名脫星（Pornstar），但仲未有落場實戰，頂多都係玩吓自摸，再激都係與女同互磨，逐啲畀你睇好過一鋪清袋，阿妹果然食腦！網站Twistys就表明年曆會有意想不到嘅造型益街坊，唔通係玩SM？

Aletta Ocean　升級孖D

出生日期：1987年12月4日

三　　圍：38DD-22-35

身　　高：5呎4吋

嚟自匈牙利嘅脫星Aletta Ocean，本來喺美國人緣極好，粉絲仲話佢有幾分似「畢嫂」，可惜阿妹冇幾耐就得罪人多稱呼人少，搞到左右受敵，但佢唔認衰噃，早前仲返娘家再發育，咪咪由一個D變成孖D，胡亂僭建好危險喎，不過歐美四仔迷就好受落，更準備為阿妹慶祝生日！呢鋪阿妹冒死隆胸拍年曆，唔買點對得住自己呀？

Nikki Daniels　熟女發火

出生日期：1973年3月7日

三　　圍：34B-26-33

身　　高：5呎5吋

細佬冇寫錯，脫星Nikki Daniels已年屆38歲，係咪一啲都睇唔出先？筆者認為若然美國有「美魔女」選拔，阿姐必定入三甲。講番正題，阿姐自2003年退出四仔界後鮮有露面，就喺上個月忽然替Digitaldesire拍咗呢輯寫真，唔少人睇到眼凸，仲以為係邊件新女登場咁索！留意阿姐40歲都嚟緊，副架生竟然仲Keep得咁Young，同佢差廿年嘅o靚模都未必拍得住。