蒙古氣質女歐陽貝妮

想喺內地模特兒界走紅，有兩個條件，第一係拍攝嘅寫真要夠性感，加埋七情上面，噴血度高，令網友爭相轉貼，自然人氣急升；第二就係要有個性，好似今日介紹嘅嫩模歐陽貝妮，就係最佳例子喇！

今年21歲嘅貝妮，花名叫貝貝，出生於內蒙古赤峰，難怪佢有股獨特氣質，而喺老家時，貝貝已做過模特兒，拍攝過唔少硬照，後嚟佢去咗北京中國農業大學讀書，修讀新聞傳播系。

演出拚搏

喺讀書期間，貝貝亦有兼職做Model，由於佢有經驗，加上充滿個性，令佢好快成為北京炙手可熱嘅嫩模，故畢業後佢就投身模特兒界發展，成績到目前為止，相當不俗。貝貝除咗有獨特個性之外，另一個賣點，就係夠拚搏，拍攝嘅性感寫真數量多之外，演出嘅大膽程度，實在令人咋舌，好多網友都大讚貝貝嘅寫真好誘惑，每一張都七情上面，意態撩人，絕對引人遐想。

爭相轉貼

所以貝貝嘅相片點擊率相當高，有好多粉絲支持，令佢人氣高企。本來佢有機會轉戰影視界發展，但係貝貝話想先喺模特兒界打好根基，之後才朝其他方向發展，能夠諗到一步一步嚟唔急功近利，相信貝貝唔止係靚女，仲係一個聰明女。而佢最近接拍咗一個內衣廣告，拍攝咗多張性感照，令人十分期待，當官方照片喺網上發放後，粉絲立即爭相轉貼，亦因為粉絲表現咁熱烈，令貝貝成為網絡紅人，以貝貝嘅實力，相信佢一定會走紅嘅！

歐陽貝妮Profile

出生地：內蒙古赤峰

三　圍：33-24-35

身　高：167cm

興　趣：拍照、旅行