健身溝仔隊
美國有好多中年闊太，得閒無嘢做，就約埋成班姊妹去歎鴨，但係歎得多又驚畀老公發現，於是諗咗條橋，既然流行健身，索性去健身院溝教練，一來教練夠大隻，啱晒佢哋嘅大胃口，二來健身運動喺日間進行，唔使成日出夜街咁揚，老公問起都大條道理，自然安全得多。
出動銀彈政策
呢三位姊妹話美國有無數健身中心，好似超級市場咁多，想逐間試勻嘅話真係有排玩，而且間間健身中心嘅教練都有唔同Style，睇見佢哋副健碩嘅Body，已經流晒口水。佢哋睇啱目標之後，就會夾手夾腳，抽水放電送波餅，樣樣出齊之下，搞到好多教練都中晒招。如果招數出盡之後，教練都仍然不為所動，最終就會出動銀彈政策，呢招可以話萬試萬靈，三姊妹話世上無難事，最怕無仔溝啫！