抽水妹係扒手
家陣單身寡佬北上要小心！事關有師兄報料，話最近深圳、福田及拱北等關口出現「抽水妹」，呢班囡囡色膽包天，光天化日下抽男人水，咁都未止，若然男方有反應的話，佢哋仲會撩去食飯開房添！
但咪以為有囡囡主動埋身有免費餐食咁筍，查實佢哋係小偷，已經有唔少叔父中招。據師兄表示，呢啲抽水妹雖然有部分係中女，但身材豐滿，穿着緊身衫，營造逼爆效果，麻甩佬睇見點會唔流晒口水吖！表面上，抽水妹單獨行動，實情係有幾個同黨行事，當佢哋發現「獵物」出現時，囡囡就用對奶借故撞向對方，同時隻手觸碰男方嘅重要部位，師兄話：「有波餅食又有人主動摸雀，自然會硬晒軚，而囡囡仲對住你笑咪咪，然後扮問路。但係男人以為飛來艷福，咁咪中招囉！接住就有個姊妹行埋嚟，兩個囡囡夾個男人去飲茶吹水，最後男人嘅手機同銀包就會不翼而飛。」所以大家咪以為有艷遇咁筍喇！