世界波：破解自娛迷思唔再囉囉攣

一個單身男人除咗內心寂寞，需要異性嘅情感慰藉之外，肉體亦非常需要得到安慰。但係外求不易，只好靠自己雙手代勞。然而坊間有好多傳聞或吹噓、或鄙視、或貶抑呢種自我娛樂，甚至為其添上迷信色彩，種種令男人囉囉攣嘅迷思，就等專家為大家解構一下啦！

男性一到發育時期，除咗聲線改變，體形增高外，由於賀爾蒙嘅影響，仲會開始對異性產生興趣，出現性慾需求，好多男仔就係咁開始自娛，甚至從此迷上呢種完全免費、完全由自己話晒事嘅「消閒娛樂」。

不過亦有好多人覺得自娛係不正當行為，中外古人甚至將自娛扣上有傷身體嘅帽子，話自娛過多會引致失明、精盡致不育等。事實上，以上論點確實有啲吹噓過大，不過自娛過度的確有可能令子孫根折斷，點解？就等專家為大家講解自娛是與非啦！

無分正常

《The Big Book of Masturbation》嘅作者Martha Cornog表示，好多男人自娛都有自己一套方法，例如用不同物件摩擦、用情趣玩具刺激，或者換上不同衣服進行等，總之就各有喜好。不過，好多男人就覺得此法雖然滿足到自己嘅慾望，但係極端猥褻，甚至唔正常，搞到自我形象日益低落。然而，性學專家Betty Dodson就話，自娛無分正常與不正常，唔傷害到人同自身就OK！

絕對安全？

喜愛自娛嘅男人，認為自娛絕對安全，一來唔會染到性病，二來又唔怕交歡期間因為體位難度高，動作太激烈而令命根折斷。不過，心理及性治療師就話，自娛一樣有機會令命根折斷，因為有人鍾意將命根壓於床褥或枕頭上摩擦，令命根過分向上，摩擦期間就有機會令尿道受損。亦有人試過強行將呈朝天之勢嘅命根壓下再摩擦，結果令命根折斷！另外，快速嘅摩擦亦會令命根表皮磨損，引發炎症。

減弱性趣

精神治療學教授Michael A. Perelman表示，一般自娛行為對身體同精神都冇傷害，但係長年自娛就會影響到男人對女人嘅性趣。佢話唔少男人習慣咗自己嘅一套自娛模式，搞到往後同伴侶行房，亦一定要進行類似過程，否則無論伴侶用口、手都冇辦法勾起其興致，更甚者面對美女都冇辦法起頭。