果盤唔新鮮咪食

大家都知道，夜總會都會有果盤供應，通常果盤嘅收費會計埋入房間嘅消費裏面，玩家就算畀咗錢都唔多覺。不過，有玩家早排去咗FS（佛山）一間夜總會，不但被屈多一個收費果盤，而且啲生果唔新鮮，結果食完後屙到七彩，但卻有冤冇路訴，真係可憐！

話說嗰晚佢入到夜總會嘅K房後，發現房內早已擺放咗個果盤喺度，佢以為呢個就係包廂果盤，於是佢冇為意。點知當佢揀好心水囡囡後，侍應突然又拎多個果盤入嚟，佢覺得好奇怪，於是問對方：「唔係已經有果盤咩？做乜又拎多個嚟？」點知侍應話：「呢個至係包廂果盤。」原來之前嗰個果盤係另外收費嘅，玩家無啦啦被屈成百蚊嘅果盤錢，雖然係好谷氣，不過，「色」途老馬嘅佢都知道嘈都無用，惟有就範，諗住食多啲生果補番數，但卻發現囡囡掂都唔掂啲生果，佢同囡囡講：「個果盤要錢o架！幫手食啲啦！」囡囡即耍手擰頭話：「呢度嘅果盤好唔新鮮，處理過程又唔衞生，你食埋我份啦！」玩家冇理囡囡嘅提醒，繼續照食，點知就中招，當佢返到酒店房後就肚子絞痛，結果嗰晚佢屙到腳軟，冇力再同囡囡真箇銷魂，但肉金就照畀，呢鋪佢真係人財兩失！