夜場難搵食

以前在香港撈夜行，應該是件風光的事，看那些所謂「撈家」都穿金戴銀，出入都前呼後擁就知道了。但時勢早就不同了，起碼我看到的那班，大都是苟延殘喘，過一日得一日的。早前我就遇上一位搞K壓的老闆級人物，才談沒多久，他已開始絮絮不休在呻生意真的好難做，全盛時期，他手上有好幾間指壓和夜總會，每晚出出入入都是一大班人，現在嘛？「做偏門做到蝕錢唔係得我一個，根本成行都係咁！以前賺落嗰啲，依家真係嘔番唔少出嚟！」

那為甚麼要繼續做？他說，很大原因是因為還有人跟他搵食：「呢班人出到去，冇學識、冇競爭力，可以做乜呀？」除了這份大哥心態驅使他去承擔這個不易放下的責任，事實上，他也承認自己還未到退休之齡，不做這行可以做甚麼？他自己亦有點迷惘。

至於造成生意難做的原因，除了是高調冇運行這些老問題之外，原來近年營運成本，也確實不斷的提高。「租金一定係大問題，租約一完就畀業主大幅加價，你知撈得夜場嘅單位都好多限制o架啦，真係焗住畀佢加！租加得，人工又有最低工資，係我哋收費唔加得，你話死唔死？」