男人13條溝女大忌

香港地現今世代，女人多過男人，再加上北方佳麗加入戰團，令好多男人表面上享盡艷福，但實情卻心知肚明，有質素嘅女人，仍然係需要花時間同心思先可以追到手。想溝到高質靚女，係時候改吓以下呢啲男人通病喇！

1.風流自賞

常暗示自己各方面條件極佳，如果女伴唔揀自己，一定會後悔莫及，女人聽到一定好倒胃口。

2.炫耀財富

好滿意自己目前嘅收入同生活質素，常炫耀自己嘅身家及見識。如果身家真係多到富豪級，問題還不大，但如果只是中規中矩，只會令女人討厭。

3.不仁不孝

連父母屋企嘅電話都唔記得，或者喜歡指揮女人做嘢，未上床已經要受氣，上埋床一定做妹仔啦，係女人都即刻走頭。

4.滿腹牢騷

每次跟女伴見面，都有無窮無盡嘅牢騷，無論工作上或者生活細節上，都有好多問題，係女人都畀你煩走！

5.天真自私

雨天開車不顧路旁行人，將地上污水濺到路人，仲覺得好笑，咁幼稚嘅男人，又點會有女人肯上釣。

6.浪子姿態

身邊除咗女伴之外，永遠仲有好多女性朋友，而且展示出一副浪子姿態，表現若即若離，呢套浪子策略只適用於上床後，上床前就切勿使用。

7.吹噓往績

對於前女友曾經企圖為自己要生要死，有點飄飄然嘅感覺，有貶低女人之嫌，女人一定對你嘅人格大打折扣。

8.自私自利

常用酒樓毛巾抹鞋，永遠以自己利益行先，做事損人利己，唔識得照顧女人感受，試問又點令女人動心呢！

9.甜言蜜語

少量係可以有效果嘅，但太早及太多則相反。例如第一次見面，就盛讚女伴係今生所見最性感嘅女人，應該唔會有女人相信。

10.好食懶飛

女人可以接受男人一時失業，或者懷才不遇，但唔可能長時間要女人做經濟支柱，尤其是上床前已經要倒貼，上床後真係不敢想像。

11.貪小便宜

女人貪小便宜可以話佢知慳識儉，一旦發現男人係咁，就會覺得佢唔夠大方，立即扣分。

12.過分親熱

同女伴第二次約會，就好親密咁叫佢「寶貝」，擺到明想食佢，令女人頓生戒心。

13.性慾旺盛

隨時隨地都可以諗到浪漫事情，無時無刻都表現得慾念高漲，最衰就係銀包隨時都有一個安全套，女人一定走為上着。